Login to your account

Username *
Password *
Remember Me

PLP Hameno MAPKOMS Hatuta Kondisaun Estrada Uatukarbau ba MOP

Deputadu Bankada Partidu Libertasaun Popular (PLP), Francisco de Vasconcelos. Deputadu Bankada Partidu Libertasaun Popular (PLP), Francisco de Vasconcelos. Foto Suplay

Tempotimor (Dili)-Deputadu Bankada Partidu Libertasaun Popular (PLP), Francisco de Vasconcelos, hameno hela ba Ministru Asuntu Parlamentar no Komunikasaun Sosiál (MAPKOMS), Francisco Martins Pereira Jeronimo, atu hatutan preokupasaun Komunidade kona-ba kondisaun estrada Postu Administrativu Uatukarbau, Munisípiu Vikeke ba Ministru Obras Públika (MOP), Abel da Silva Pires atu fó solusaun.

“Ne'ebé ha'u husu Ministru sé bele fó hatene ba Ministru Obras Publika atu haruka Institutu Jestaun Ekipamentu (IJE.IP) halo normalizasaun lalais ba dalan ida-ne'e”, dehan nia iha Plenária Parlamentu Nasionál, tersa (21/06).

Tanba simu telefone husi Komunidade Uatukarbau katak dadaun ne'e sira-nia Estrada iha área Uatukarbau foin lalais udan boot konsege hetan kotu, tanba ne'e presiza tebes servisu Institutu Jestaun no Ekipamentu, Institutu Publiku (IJE.ip) atu ba normaliza.

“Foin populasaun sira mak telefone mai ha'u, dehan iha parte Uatukarbau nian, udan boot halo dalan ida mak kotu iha ne'ebá”, hatutan nia.

Ba kestaun ne'e Ministru Asuntu Parlamentár no Komunikasaun Sosiál, Francisco Martins Jerónimo hatete, kona-ba preokupasaun sira ne'ebé la konsege hetan resposta, ida-ne'e Governu rejistu no sei informa ba Governu atu fó filafali resposta ba PN. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter