“Tanba durante ne’e, SEFOPE mak organiza ida-ne’e e iha situasaun Joven sira ne’ebé difísil atu hetan servisu iha rai laran, tan ne’e ita esplora situasaun ne’e. Ne’ebé tenke tau atensaun, tau matan para sasán labele la’o. Bainhira joven sira iha liur ona kuandu akontese problema ruma estadu mak sei tau matan”, dehan Asanami iha Plenária Parlamentu Nasionál (PN), segunda (20/06).
Ba sidadun sira ne’ebé ba estranjeiru, Embaixada sira mak sei tau matan sei organiza tanba ne’e mak husu atensaun didi’ak no partidu politiku sira labele foti oportunidade esplora situasaun ne’ebé mak joven sira hasoru ho difísil.
“Di’ak liu mak tamba traballadór iha rai liur ne’e barak tebes, Governu tenke esforsu para loke dalan liután karik prisiza ba maibé tenke mantein eduka, ko’alia ba joven sira tanba balun eskola seidauk remata mais sira haree katak remata mós seidauk hetan servisu, di’ak liu para eskola ba servisu, futuru nasaun ne’e ba los iha ne’ebé”, haktenik Sabino.
Tanba ne’e, importante ba líder hothotu atu tau matan ba kontinuadade nasaun ne’e iha joven sira nia liman, maibé joven laiha ona esperansa problema boot, nasaun laiha esperansa ba oin.
“Tanba ne’e mak líder hothotu tenke tau matan ba ida ne’e”, afirma nia. (*)