Login to your account

Username *
Password *
Remember Me

MOP Orienta DJOP Rezolve Mota Welolo ho Emerjénsia

Ministru Obras Públikas (MOP), Abel Pires da Silva, observa direta mota Welolo, iha suku Luka, Postu Administrative Vikeké, Munisípiu Vikeké. Ministru Obras Públikas (MOP), Abel Pires da Silva, observa direta mota Welolo, iha suku Luka, Postu Administrative Vikeké, Munisípiu Vikeké. Foto Suplay

Tempotimor (Dili)-Ministru Obras Públikas (MOP), Abel Pires da Silva, orienta Diretór Jerál Obras Públikas (DJOP), Rui Hernani, atu resolve mota Welolo, iha suku Luka, Postu Administrative Vikeké, Munisípiu Vikeké, ne’ebé sedimentasaun nakonu iha ponte okos.

Tuir informasaun ne’ebé www.trmpotimor.com asesu iha pájina MOP, tersa (21/06) katak, Ministru Abel Pires da Silva, ne’ebé akompaña husi Prezidente Institutu Jestaun Ekipamentus Institutu Públiku (IJE.IP), Hermenegilda da Costa Laurentina, Diretór Jerál Obras Públikas (DJOP), Rui Hernani, no Diretór Nasionál Estrada, Ponte no Kontrollu i Seias (DNEPCC), Milton Ramanata de Castro Monteiro, observa direita mota Welolo, ne’ebé sedimentasaun nakonu ponte okos, halo bee sulin tuir estrada kuaze metru 500 fó impaktu tebes ba movimentasaun ema no transporte tanba labele liu iha área refere.

Kondisaun bee ne’ebé boot halo estrada nakfilak sai tiha mota iha área refere, tanba ne’e Ministru orienta DJOP ho tékniku sira tenke rezolve hanesan projetu emerjénsia tanba bee ho volume boot estraga hotu komunidade nia plantasaun liliu uma sira iha estrada ninin bee nalihun to’o uma huun.

“Ne’e presiza projetu emerjénsia, importante mak bee labele halai ba ne’eba (halai tuir estrada, ba estraga plantasaun no uma komunidade nian) bee tenke halai mai iha ne’e mai (tenke mai ponte okos ka mota laran) no tenke hasai sedimentasaun para lori bee ne’e halai tuir nia dalan”, hatete Ministru Abel Pires.

Ho orientasaun ne’e, tékniku sira kontaktu kedas ba kompaña sira ne’ebé iha kapasidade hodi rezolve problema refere, Ministru reforsa hodi husu tékniku sira tenke rezolve tiha problema ne’e iha tempu badak nia-laran.

Iha observasaun ne’e, deside ho projetu emerjénsia oinsá mak dezvia bee ne’ebé tulin tuir estrada ba fali mota, hasai sedimentasaun hodi loke bee dalan ba tasi.

“Hola ho jumbo simente nian tau fatuk no rai henek para taka tiha, haruka agora mai kedas halo normalizasaun, ida-ne’e tenke rezolve kedas, tanba importante tebes para bee ne’e labele halai ba ne’eba, tanba bee ba fali komunidade nia toos laran, uma, estraga plantasaun sira”, afirma nia.

Tanba ne’e promote ba komunidade sira sei filafali ba suku Luka hodi haree direitamente kondisaun estrada no bee iha fatin refere.

Diretór Jerál Obras Públikas, Rui Hernani hatete, sei buka kompaña ne’ebé iha kapasidade hodi fornese jumbo simente nian ho fatuk hodi rezolve tiha depois tékniku sira buka solusaun oinsá bele rezolve.

Prezidente IJE.IP, Hermenegilda da Costa Laurentina, mós prontu hodi apoiu hodi rezolve problema refere.

Iha observasaun ne’e, komunidade hato’o lamentasaun kona-ba situasaun ne’ebé sira enfrenta kada tinan, bee sempre sulin estraga tiha komunidade nia plantasaun no defikulta movimentasaun.

Problema ida agora enfrenta ne’e mak boot liu tanba defikulta tebes movimentasaun komunidade nian, inklui transporte públiku no privadu iha fatin refere.

Tuir ajenda Ministru Abel hala’o observasaun ne’e to’o iha munisípiu Vikeké maibé la konsege no fila de’it iha Suku Luka tanba bee sulin tuir estrada nakfilak sai tiha mota durante fulan ida ona, karreta labele liu, mak ekipa deside la’o de’it kuaze metru 500 tuir bee hodi observa kondisaun mota Welolo iha fatin refere. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter