Print this page

CNRT Lamenta Governu ‘Taka Matan, ba Ponte Loes no Bilimau

Deputadu Congreso Nacional Reconstrução de Timor (CNRT), Marcos Xavier. Deputadu Congreso Nacional Reconstrução de Timor (CNRT), Marcos Xavier. Foto Suplay

Tempotimor (Dili)-Deputadu Congreso Nacional Reconstrução de Timor (CNRT), Marcos Xavier, lamenta durante ne’e Governu taka mata hela ba Ponte Loes no Ponte Bilimanu, tanba seidauk iha ekipa ba halo verikasaun hodi normaliza.

Deputadu Bankada CNRT, Marcos Xavier hatete, Ponte ne'ebé importante Ponte Loes ne'ebé mak kleuk ona to’o agora seidauk normaliza, hanesan mós Ponte Bilimau ne'ebé seidauk hetan normalizasaun.

“Ponte ne'ebé importante liu Ponte Loes akontesimentu iha 2021, Ponte ne’e kleuk tiha ona to’o agora Ponte ne’e seidauk iha estudu ida, ne'ebé Ministériu Obras Públika haruka ninia ekipamnetu ruma ka tékniku ruma ba haree atu normaliza, tuir mai Ponte iha Kailaku Ponte Bilimau ne’e mós hanesan tinan ida-resin ona. Ha’u foti bebeik iha fatin ida-ne’e azvez ha’u lakoi halo intervensaun tanba ha’u moe fali ita foti mais Governu la toma atensaun ba buat sira ne’e”, dehan Deputadu Marcos, iha Plenária Parlamentu Nasionál, segunda (20/06).

Haree ba Ponte Loes nian agora la halo normalizasaun mak udan tau rai mai Ponte refere bele naksobu hodi difikulta movimentu transporte públiku ne’ebé lori sasán husi fronteira mai Dili.

“Ha’u Hanoin señor Ministru ida-ne’e toma nota hela ne’e ema bolu dehan dalan internasionál maibé ita la haree”. afirma nia.

Nune’e mós iha Postu Administtrativu Kailaku, Munisípiu Bobonaru Ponte bilimau tinan ida-resin ona, maibé seidauk hetan normalizasaun.

“Ne’e mós hanesan komunidade sira atu ba Postu Hatulia, Munisípiu tenki liuhusi mota, Ponte ne’e di’ak hela nia Konstrusaun kapas mais tan de’it sorin ne’e mota lori tia laiha normalizasaun”, katak nia.

Maske uluk Institutu Jestaun Ekipamentu,Institutu Públiku (IJE.I.P) ba halo normalizasaun maibé laiha kontinuasaun ne’ebé udan tun lori hotu rai henek ne'ebé ekipa IJE halo normalizasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items