“Ami mai iha iha ne’e ho Programa Naroman ba Suku halo uluk diálogu ho komunidade hakarak hatene komunidade nia problema saida?. Hakarak hatene lori povu ne'e”, dehan nia iha diálogu ho Komunidade sira iha ámbitu esplikasaun Programa Naroman ba Suku iha Pre-Eskolár Purugua, sesta (18/06).
Alende ne'e Governu mós hakarak lori sai komunidade ne’ebé mak durante ne’e sei moris iha izoladu hodi fó sai informasaun ne’ebé mak di’ak no justu iha suku laran sira.
Depois ne’e hotu tiha sei hari’i sentru informasaun atu organiza joven finalista sira ne’ebé mak remata ona eskola maibé seidauk hetan servisu hodi halibur hamutuk hodi hetan informasaun ba suku rasik.
“Oinsá mak sira bele potensialidade iha suku laran para bele fó sai ba li’ur iha suku laran”, informa nia.
Xefe Suku Purugua, Claudino Bere Pelu hatete, durante ne'e komunidade barak mak la asesu estrada no irrigagasaun ba natar sira mak la di’ak, tanba ne’e mak husu ba Ministériu kompetente atu tau matan ba problema komunidade sira-nian.
“Setór edukasaun iha Pre-Eskolár Purugua, Eskola Primária no Pre-Sekundária mak totál profesór sira hamutuk 21 profesór permanente 12 kontratadu 8 voluntáriu ida (1), no iha eskola sira ne'e sala edifisiu la sufisiente ba estudante sira”, dehan nia.
Totál populasaun iha suku Purugua hamutuk 1.243, iha natar ektare 145 no natar ne’ebé uza bee 400-resin, irrigasaun ke'e ho liman iha área Bilimau dadaun ne'e paradu tanba udan boot estraga. (*)