Print this page

PN Husu Taur Orienta Membru Governu Partisipa Debate Jeneralidade ba Projetu Lei KDA

Prezidente Parlamentu Nasionál (PN), Aniceto Longuinhos Guterres Lopes. Prezidente Parlamentu Nasionál (PN), Aniceto Longuinhos Guterres Lopes. Foto Suplay

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes, husu Primeiru Ministru (PM), Taur Matan Ruak, atu orienta Membru Governu sira partisipa iha ajenda debate Jeneralidade ba Projetu lei Kódiku Direitu ba Autór (KDA) ne'ebé inisia husi deputadu Bankada parlamentar sira.

“Ho onra ida-ne'e, atu informa deliberassun ajenda diskusaun no votasaun Jeneralidade ba Projetu lei iha epígrafe, atubele realiza reunian plenária. Relasiona ho ida-ne'e mak konvida Membru Governu kompetente atubele partisipa reuniaun plenária. Aseitasaun Primeiru Ministru ba protestu ida-ne'e ho ha’u-nia konsiderasaun ho estima ne'ebé as”, dehan Aniceto liuhusi karta ne'ebé www.tempotimor.com asesu iha Parlamentu Nasionál, sábadu (18/06).

Reuniaun plenária diskusaun projetu lei KDA ne'e sei realiza iha loron 20 fulan-juñu, tuku 11, maibé presiza konsiderasaun boot husi Primeiru Ministru atubele aseita ho pedidu ne'ebé haruka husi PN.

Ba Projetu lei Kódiku Diretu ba Autor ne'ebé inisia husi deputadu Bankada Parlamentár ne’e rejistu ho númeru 41/V (4a). (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items