Print this page

Horta ‘Autoriza’ Xanana Reprezenta Estadu Timor-Leste ba Atende Ajenda Internasionál

Prezidente Republika (PR), José Ramos Horta dadalia ho Prezidente Partidu CNRT, Kay Rala Xanana Gusmão, antes halo reprezenta Estadu Timor-Leste ba Estranjeiru, iha Aeroportu Komoro. Prezidente Republika (PR), José Ramos Horta dadalia ho Prezidente Partidu CNRT, Kay Rala Xanana Gusmão, antes halo reprezenta Estadu Timor-Leste ba Estranjeiru, iha Aeroportu Komoro. Foto Suplay

Tempotimor (Dili)-Prezidente Republika (PR), José Ramos Horta hatete, nia parte baruk ona halo viajen ba estranjeiru, tanba ne’e autoriza Prezidente Partidu CNRT, Kay Rala Xanana Gusmão hodi reprezenta Estadu Timor-Leste atende ajenda Internasionál sira iha Estranjeiru.

 “Situasaun politika interna. Ha'u mós baruk ona viajen internasionál sira ne'e. Área ne'ebé importante maun boot Xanana bele halo”, dehan Horta hafoin akompaña Xanana ho nia kometiva ba Aeroportu Internasionál Prezidente Nicolau dos Reis Lobato, hodi halo viajen ba Europa, sesta (17/06).

Tanba Xanana nu’udar Líder Nasioníl no Líder mundiál ne'ebé mak reprezenta no autoridade ho kompeténsia sira iha reuniaun boot ne'ebé mak hala'o iha Bruxelas ho Uniaun Europeia nian hodi ko'alia kona-ba dezenvolvimentu.

Aleinde Xanana mós sei liuba Inglaterra hodi atende reuniaun seluk kona-ba fronteira terrestre marítima ho advogadu sira hafoin bele viajen filafali ba Portugal hodi partisipa simeira ONU no Portugal ne'ebé mak organiza husi Kénia.

Maske laiha tempu atu atende ajenda Internasionál ida maibé Horta fiar área sira ne'ebé mak Xanana aei ba atende ne'e hanesan área ne'ebé Xanana domina.

Tanba Horta simu pose foin mak atu kompleta fulan-ida entaun prioridade absoluta organizasaun iha Prezidénsia presiza iha instituisaun ida forte.

“Tanba ne'e mak parseria ho maun boot para fatin balun ke ha’u labele ba ha’u husu ba Maun boot nia reprezenta e lori estadu tomak nia naran”, afirma nia.

Xanana Gusmão ne’ebé sai husi Timor-Leste ho Aviaun Air Asia, sesta (17/06), tuku 10:45, hetan akompña husi delegasaun husi Przidente Repúblika, Ramos Horta, Sekretáriu Jerál Partidu CNRT, Francisco Kalbuadi Lay, membru Partidu CNRT to’o iha Aeroportu Komoro.

Iha vizita servisu ne'e Xanana Gusmão sei Bruxelas kapitál nasaun Beljika atu partisipa atividade Forum Loron Dezenvolvimentu Uniaun Europeia tinan 2022, hafoin kontinua ba viajen ba Londres (Iglaterra) no Lisboa (Portugal).

“Líder Istóriku Kay Rala Xanana Gusmão iha loron 17 Juñu to’o 12 Jullu 2022 sei aranka Bruxelas hodi atende Forum Loron Dezenvolvimentu Uniaun Europeia 2022 nian husi 18-22 Juñu”, informa Komunikadu ne'ebé www.tempotimor.com, asesu husi mídia Partidu CNRT nian, sesta (17/06).

Tanba Xanana hanesan Xefe Negosiadór ba Fronteiras Marítimas Timor-Leste nian nune'e sei hala'o fali viajen ba Londres hodi hala'o reuniaun estratéjika ho Konsellu Jurídiku sira kona-ba Negosiasaun Fronteira sira Rai no Tasi nian.

Hafoin ida ne'e, sei hala'o fali nia viajen ba Lisboa hodi lidera delegasaun Timor-Leste nian ba Konferénsia Oseanu ne’ebé organiza husi ONU iha loron 27 Juñu to’o 1 Jullu hanesan Reprezentante Espesiál Prezidente Repúblika nian no Timor-Leste nia Reprezentante Espesiál ba Ekonomia Azul.

Xanana ho ekipa sei hala'o mós atividade sira ne’ebé g7+ mak organiza nu’udar Pessoa Eminente g7+ nian.

Ho atevidare viajen ne'e mak Prezidente Repúblika, José Ramos Horta deside akompaña Xanana to’o iha Aerporto Internasional Prezidente Nicolao Lobato Komoro. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items