Tuir informasaun ne’ebé www.tempotimor.com asesu iha pájina Ministériu Finansas, kinta (16/06) katak, Ministru Finansas, Rui Augusto Gomes, konfirma sai nu’udar Oradór Prinsipál iha Konferensia Nasionál refere.
Konferénsia Nasionál ne’e ba dahuluk iha istória Timor-Leste hafoin tinan ruanulu restaura ninia independénsia.
Iha eventu ne’e sei iha lansamentu Janela Úniku Eletróniku ne'ebé liga Autoridade Aduaneira ho Diresaun Nasionál Transporte Terrestres no tuir kedan ho asinatura Protokolu Kooperasaun entre entidades Estadu rua ne'e.
Eventu ne'e sei hetan partisipasaun husi Membru Governu Konstitusionál daualu, Korpu Diplomátiku, Parseirus Dezenvolvimentu, Organizasaun Sosiedade Sivíl, Setór Privadu, Komersiante sira, Asosiasaun Customs Brokers Timor-Leste no Mídia. (*)