“PR hein rezultadu input husi semináriu konferénsia ida-ne'e, husi ativista, sosiedade sivíl no ONG sira, inklui Governu rasik mai partisipa iha ne'e, hafoin iha rezultadu di'ak bele update ba ha'u”, dehan PR Horta iha semináriu abertura Loron Mundiál traballadór doméstika, iha Ótel Luz Klarita, tersa (14/06).

Tanba ne’e husu ba Governu, membru Parlamentu Nasionál sira, atu servisu hamutuk ho Forom Organizasaun Naun Governamental Timor-Leste (FONGTIL) no Uniaun Traballadór Doméstika Timor-Leste (UTDTL) haree saida mak di'ak liu atu proteje inan feto no feto sira direitu ba traballadór ne'ebé servisu iha doméstika nian

“Asosiasaun traballadór doméstika, hanesan worling women's center Timor-Leste (WWCTL) servisu hamutuk ho FONGTIL atu foti desizaun kolletivu ida di'ak, hodi proteje feto traballadór sira-nia direta”, dehan Horta.

Tanba atu fó vantajen maibé iha setór famíliar ho setor privadu ne'ebé simu traballadór doméstika la biban, tanba situasaun ekonomia Timor-Leste mak nune'e ona.

“Traballu doméstika mak ema ne'ebé servisu iha família ida nia uma hanesan fase roupa, tein, dada rai no hein labarik sira", esplika nia.

Kompaña ruma ne'ebé rekruta traballadór sira ba servisu iha uma, la'ós ba servisu iha fábrika no industria, nasaun hothotu iha mundu iha traballadór domestika.

“Ha'u seidauk haree protesaun baze legál ruma, maibé sindikatu, ONG, sosiedade sivól, FONGTIL no WWCTL bainhira mak lavanta problema ne'e”, dehan nia.

Organizasaun sosiedade sivíl no FONTIL mak hanesan portavoz ba traballadór doméstika atu ejize sira-nia direitu. (*)