“Ita-nia komemorasaun ba loron mundiál traballadór ida ne'ebé baze legál ruma atu proteje ita-nia traballadór doméstika iha Timor-Leste”, dehan Diretór FONGTIL, Valentino da Costa Pinto, iha Ótel Luz Clarita, tersa (14/06).
Tanba traballadór la'ós de'it servisu iha Dili, maibé sira servisu mós Munisípiu hotu.
“Iha Dili ami komesa kontinua rejista 300 pesoál ne'ebé halo servisu ba uma-ka’in sira liuliu ba servisu doméstika ninian”, afirma nia.
FONGTIL hanesan fó mahon ba traballadór doméstika iha Timor-Leste ninian, ne'ebé ba husu protesaun ba servisu uma-ka’in nian.
“Ami halo ona peskiza ka ami iha sentru servisu feto Timor-Leste ninian ne'ebé sai hanesan mahon ba traballadór domestika sira rejistu besik 300 pesoál, ne'ebé ba husu protesaun ba servisu feto Timor-Leste nian”, informa nia.
FONTIL fasilita formasaun ba traballadór sira molok ba servisu iha uma kain nian, nune'e bele asegura sira nia direitu hanesan trabaladór sira seluk.
Diretor ne'e husu emprezariu sira ne'ebé loke kampu traballadór domestika ba feto sira ne'e salariu tenke prense rekejitus estadu nian.
“Ami nia preokupasaun husu governu atu halo lei ida hodi presaun ba traballadór domestika sira- nia direitu”, esplika nia.
Diretora Worling Women's Center Timor-Leste (WWCTL), Picar Pascoela hatete, iha semináriu ne'e partisipa máimu husi traballadór doméstika sira,
“Iha defirénsia boot molok ami halo intervensaun ba sira-nia servisu, primeiru sira mai servisu iha Dili, sira-nia saláriu $75, 80 to'os 150”, dehan nia.
Problema ne'ebé traballadór doméstika hasoru mak dala ruma sira simu saláriu tarde hanesan fulan rua ba leten mak simu.
“Tuir ami WWCTL nia peskiza traballadór doméstika limanolu-resin-neen, husi Munisípiu sira maioria Munisípiu Ermera, Aileu no Rejiaun Administrativu Espesial Oekussi Ambeno (RAEOA)”, hatete Diretora ne’e.
Wainhira halo ona intervensaun ba sira-nia kondisau servisu koko halo aprosimasaun ne'e ba públiku, oinsá hasa'e emprezáriu públiku nia koñesimentu ba atende feto traballadór domestiku nia servisu.
Ba komemorasaun ne’e, hetan partisipa husi membru Parlamentu Nasionál, Sekretáriu Estadu Igualidade Inkluzaun (SEII) nomós ONG privadu no públiku sira inklui mós membru traballadór doméstika sira. (*)