Print this page

MAPKOMS Simu Aprezentasaun Grupu Advokasia ba Kriasaun Lei Espesifiku Liberdade Asesu Informasaun

Ministru ba Asuntus Parlamentar no Komunikasaun Sosiál (MAPKOMS), Francisco Martins da Costa Pereira Jerónimo, simu aprezentasaun husi Grupu Advokasia ba kriasaun lei espesifiku ba Liberdade asesu informasaun. Ministru ba Asuntus Parlamentar no Komunikasaun Sosiál (MAPKOMS), Francisco Martins da Costa Pereira Jerónimo, simu aprezentasaun husi Grupu Advokasia ba kriasaun lei espesifiku ba Liberdade asesu informasaun. Foto SUplay

Tempotimor (Dili)-Ministru ba Asuntus Parlamentar no Komunikasaun Sosiál (MAPKOMS), Francisco Martins da Costa Pereira Jerónimo, iha loron tersa (07/06), simu aprezentasaun husi Grupu Advokasia ba kriasaun lei espesifiku ba Liberdade asesu informasaun ne’ebé konsagra iha Konstituisaun Repúblika Demokrátika Timor-Leste.

Tuir informasaun ne’ebé www.tempotimor.com asesu iha pájina MAPKOMS, sesta (10/06) katak, Ministru Francisco Jerónimo, simu vizita kortezia husi Programa Monitorizasaun ba Sistema Judisiariu (JSMP) lidera husi Diretora Ezekutiva Ana Paula Marcal, akompaña husi Diretór Ezekutivu CEPAD, João Boavida nomós reprezentante husi Alfándega, Valente Araujo.

Ba audénsia ne’e ho objetivu grupu advokasia atu aprezenta ba MAPKOMS kona-ba hanoin sira atu hamosu lei espesifiku ida ba “liberdade Asesu ba informasaun “Tuir artigu 40 konstituisaun RDTL inklui mós atu rona hanoin sira husi Ministru Francisco.

Tanba to’o agora ema barak sidauk ezerse sira-nia dereitu konstitusionál ne’e hodi husu no hetan informasaun hodi aseguru sira-nia moris.

Funsionariu Públiku no autoridade sira balun seidauk hatene lolos sira-nia dever atu fó sai informasaun ba públiku hodi hakonu públiku nia dereitu atu hetan informasaun.

Nune’e akontese, Timor-Leste seidauk iha lei espesifiku ida ne’ebé define ho klaru ka regula kondisaun detallu sira ba asesu imformasaun.

Tanba bazea ba peskiza husi CEPAD iha munisípiu sanulu-resin-tolu (13) kobre partisipante hamutuk 718 inklui servidór públiku hatudu katak porsentu 25 (25%) de’it mak hatene kona-ba oinsá atu asesu informasaun enkuantu 75% lahatene oinsá atu asesu informasaun. (*)

Rate this item
(0 votes)
Last modified on Friday, 10 June 2022 12:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items