Login to your account

Username *
Password *
Remember Me

Prezidente PN Seidauk Simu Relatóriu Proposta Alterasaun LPV Husi Komisaun A

Prezidente Parlamentu Nasional (PN), Aniceto Longuinhos Guterres Lopes. Prezidente Parlamentu Nasional (PN), Aniceto Longuinhos Guterres Lopes. Foto Suplay

Tempotimor (Dili)-Prezidente Parlamentu Nasional (PN), Aniceto Longuinhos Guterres Lopes hatete, nia parte seidauk simu relatóriu Proposta Alterasaun ba Lei Pensaun Vitalisia (LPV) husi Komisaun A ne'ebé trata Asuntu justisa no konstituisionál iha Parlamentu Nasionál (PN).

Maske Proposta Alterasaun Lei Pensaun Vitalisia (LPV) ne'e Governu liuhusi Ministériu Solidariedade Sosiál no Inkuzaun (MSSI) aprezenta no komisaun A rasik finaliza ona sira-nia audénsia públika ho Governu iha loron 23 jullu 2020.

Proposta alterasaun LPV ne'e mai ho nia títulu rejime remuneratóriu ka jurídika ne'ebé sei integra iha seguransa sosiál ba eis-titulár sira ne'ebé mak ezerse kargu iha orgaun soberania sira durante tinan lima.

Prezidente Parlamentu Nasional (PN), Aniceto Longuinhos Guterres Lopes hatete, hahú husi baixa proposta lei ne'e ba Komisaun A to'o ohin loron seidauk simu filafali relatóriu pareser ruma husi Komisaun A.

“To'o agora ha’u seidauk simu relatóriu pareser ruma husi Komisaun A”, dehan nia hafoin audénsia ho Prezidente Repúblika, José Ramos Horta iha Palásiu Prezidensiál Bairopite, kinta (09/06).

Ho relatóriu Alterasaun LPV ne'ebé to'o ohin loron seidauk aprezenta ida-ne’e Prezidente Parlamentu Nasionál nia esforsu so hein de’it bainhira mak bele aprezenta.

Tanba Prezidente PN nia servisu mak atu atende inisiativa ruma wainhira tama iha gabinete husi deputadu ka husi Governu, depois sei haree nia rekezitu legál konstituisionál sira ne'e dala ruma lei sira ne'e kontra fragrantemente kontra konstituisaun ida-ne'e Prezidente PN mós sei tais uluk lai antes baixa ba komisaun.

Maibé Proposta Alterasaun ida-ne'e iha hela komisaun A atubele finaliza tuir prazu ne'ebé mak Prezidente PN fó ba Komisaun A.

Dalaruma haree filafali ba preokupasaun balun ne'e maske haruka tiha Lei ba Komisaun A maibé, komisaun A kuandu simu tan fali servisu seluk ne'ebé urjente liu entaun sira tenke trata fali prioridade servisu sira ne'e.

Ho ida-ne'e mak parese akontese tanba ne'e to'o agora meza seidauk simu relatóriu pareser ruma husi Komisaun A rasik.

Entretantu Proposta Alterasaun ne'e hetan aprovasaun husi Konsellu Ministru reuniaun iha loron kuarta 19 fevereiru 2020.

Nune'e Proposta ne’e prevee kona-ba oinsá atu ajusta Rejime Pensaun Vitalísia ba Rejime Seguransa Sosiál, ne’ebé sei la elimina direitu ba ema ruma, liuiu ba órgaun titulár sira. Enkuantu Diploma ne’e rasik aprezenta husi, Fidelis Manuel Leite Magalhães, sei asume kargu hanesan Ministru Reforma Lejizlativa no Asuntu Parlamentár. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter