Tuir informasaun ne’ebé www.tempotimor.com asesu iha pájina Parlamentu Nasionál, kinta (09/06) katak, audensia ne’ebé halo iha
Gabinete Prezidente nian iha loron 06 fulan juñu tinan 2022, ko’alia kona-ba kooperasaun servisu entrega nasaun rua ne’e nian.
Iha audiénsia ne’e, enkaregadu negósiu ba Embaisada Cuba kongratula Timor-Leste ba komemorasaun tinan 20 restaurasaun independénsia ne’ebé monu iha loron 20 fulan-maiu 2022.
Além de ne’e diskute mós kooperasaun entre Timor-Leste ho nasaun Kuba ba futuru tuir nesesidade no planu ne’ebé mak iha.
Prezidente PN mós agradese vizita refere no husu atu kontinua kooperasaun ne’ebé mak iha no melloria iha futuru. (*)