“Ita hotu akompaña balun prátika iha Klinika Privadu, balun tama oras sorin hala'o serbisu iha kapitál nasionál no oras sorin nia servisu iha klínika privadu, tanba tenke harmoniza no dezenpeña servisu”, dehan nia intervensaun iha iha workshop Prelimináriu evoluasaun polítika, iha Hotel Timor, kinta (09/06).

Iha parte seluk, tenke hadi'ak sistema prátika ida ne'e, konsidera balun servisu espesial ne'e labele.

"Estadu selu funsionáriu sira ne'e tenke servi Estadu hodi atende pasiénte iha ospitál nasionál, forma husi oras servisu ne'e buat ketak ida”, hatete nia.

Tanba lei númeru 5/2009 klaramente hatete, hahú husi tuku ualu to'o tuku lima ne'e servi estadu no atende populasaun iha sentru ospitál referál, ospitál nasionál no sentru saúde sira.

Tanba ne’e, husi tuku lima ba leten nia bele ba hala'o kna’ar iha klínika privadu ne'e buat ketak ida no nia direitu tomak.

Ministra saúde (MS), Odete Maria Freitas Belo, fortifika katak funsionáriu saúde ne'ebé oras servisu nia ba servi klínika privadu ne'e, diretór ezekutivu mak sei haree no kontrola.

“Maibé diretór ezekutivu husi ospitál nasionál no ospitál referál sira mak tenke kontrola funsionáriu sira ne'e, pelu menus tuku ualu to'o tuku lima laraik hala'o servisu iha ospitál nasionál no referál hodi atende pasiénte sira”, dehan nia.

Tanba ne’e, labele fó sala ba médiku sira, tanba komunidade no populasaun sira ne'e iha osan oituan atu halo tratamentu iha klínika privadu.

“Komunidade barak asesu iha klínika privadu tanba sira lakohi antrian iha ospitál nasionál no referál sira”, deklara nia. (*)