Login to your account

Username *
Password *
Remember Me

PM Taur Kontente Horta Sai Oradór Prinsipal iha Reuniaun TLDPM

Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Dili)-Primeiru Ministru (PM), Taur Matan Ruak hatete, nia parte kontente Prezidente Repúblika (PR), José Ramos Horta, konfirmadu sai oradór prinsipál iha reuniaun anuál entre Governu Timor-Leste ho Parseiru Dezenvolvimentu (TLDPM) ne'ebé sei hala'o iha Ministériu Finansa (MF), sesta (10/06).

“Agradese Prezidente aseita aban partisipa iha konferénsia ho ita-nia parseiru dezenvolvimentu sira”, dehan Taur hafoin audénsia ho Prezidente Repúblika, José Ramos Horta iha Palásiu Prezidensiál Bairopite, kinta (09/06).

Tanba ne’e, iha enkontru semanál ne'ebé Primeiru Ministru hala'o ho Prezidente Repúblika ko'alia mós kona-ba atividade reuniaun ne'ebé sei hala'o iha loron sesta nomós diskute kona-ba atividade Governu nian ne'ebé mak dadaun la'o hela liliu kona-ba bolsa da mãe-jerasaun foun.

“Ne'e ko'alia kona-ba bolsa da mãe jerasaun foun ne'ebé hanesan ita-boot sira hatene iha tempu oin sei lansa”, afirma nia.

Tanba bolsa da mãe-jerasaun foun ne’e Governu liuhusi Konsellu Ministru simu ona aprezentasaun ida husi Vise-Primeira Ministra no Ministra Solidariedade Sosial no Inkluzaun (MSSI), Armanda Berta.

Durante reuniaun konsellu Ministru aprezenta mós reuniaun ne'ebé sei hala'o iha Ministériu Finansas hamutuk ho Parseiru Dezenvolvimentu sira hodi prepara-an ba kria Orsamentu Jerál Estadu ba tinan fiskál 2023 nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter