Login to your account

Username *
Password *
Remember Me

PR Horta Tuir 'Orientasaun’ Xanana ‘Hakribi’ Krize iha Timor-Leste

Prezidente Repúblika, José Ramos Horta, rona orientasaun Prezidente Partidu Congresso Nasional de Reconstrução de Timor (CNRT), Kay Rala Xanana Gusmão. Prezidente Repúblika, José Ramos Horta, rona orientasaun Prezidente Partidu Congresso Nasional de Reconstrução de Timor (CNRT), Kay Rala Xanana Gusmão. Foto Suplay

Tempotimor (Dili)-Prezidente Repúblika, José Ramos Horta, tuir orientasaun Prezidente Partidu Congresso Nasional de Reconstrução de Timor (CNRT), Kay Rala Xanana Gusmão, atu hakribi krize iha Timor-Leste.

“Bom primeiru Maun Boot Xanana rasik hatete tanba situasaun atual no situasaun ekonomia e Sosiál ke imprime ema hothotu difísil tebtebes, Maun Boot Xanana rasik hatete ita labele kontribui para situasaun sai pior liu”, dehan PR Horta hafoin partisipa Semináriu Nasionál ba Komemorasaun Loron Mundiál Oceano iha UNTL-Hera, kuarta (08/06).

Tanba situasaun Krize ekonomia ne'ebé agora dadauk mosu ne'e nu’udar konsikuénsia ida husi invazaun entre Ukraina ho Rusia.

Tanba ne'e, Xanana hatete ona ba PR Horta di'ak liu buka meiu atu fó apoiu ba Governu maibé labele kontribui atu halo situasaun ne'e sai pior liután.

Ba preokupasaun Xanana nian ne’e, Horta rasik konkorda ona atulabele fó responsabilidade tomak ba Governu tanba invazaun ne'ebé mak dadauk mosu entre Nasaun Ukraina ho Rusia ne'e mós la’ós Primeiru Ministru, Jenerál Taur Matan Ruak mak hamosu.

“Ita labele fó responsabilidade ba Governu, tanba funu iha Ukraina ne'e la’ós Jenerál Taur Matan Ruak mak ba halo invazaun ne'e Ukraina nian. E Covid-19 lockdown iha Sanghai la’ós Primeiru Ministru Taur Matan Ruak mak ba halo lockdow iha Sanghai e konflitu lockdown iha Sanghai ne'e tanba COVID-19 aumenta iha ne'ebá entaun lockdown Sanghai, e lockdown iha Majid”, hatete nia.

Nune'e mós ba problema kontetór sira agora dadauk, kada kontentór nia folin rihun $3 sa'e ba rihun $14, tanba ne'e sasán hothotu nia folin aumenta kuaze iha mundu tomak la’ós iha Timor-Leste de'it.

Ezemplu de'it agora dadauk mina Bimoli ne’e kada litru lima nia folin sa'e ba $15 kompara ho presu uluk nian ne'ebé mak dolar $4.50 de'it.

“Maibé agora $15, ha’u rasik hakarak atu oferese kada litru lima ba família balun ne'ebé ha’u koiñese araska, tanba dolar $15”, afirma nia.

Ho ida ne’e, Horta Konkorda ho Prezidente Partidu CNRT atubuka dalan diálogu apoiu Governu ho objetivu buka dalan atubele asegura povu husi hamlaha.

“Tanba ne'e mak Maun Boot Xanana hatete, ha’u konkorda 100% ita buka halo diálogu para ita haree oinsá apoiu Governu. tanba Governu ne'e Timor-Leste nian sei nafatin oitavo Governu ida bee bolu aitonka ga, Governu ne'e mak kaer orsamentu, iha razaun ka obejtivu ida de’it mak povu labele mate hamlaha no kosokoan sira labele terus liután tanba situasaun agora difísil liután”, afirma Horta. (*)

Rate this item
(0 votes)
Last modified on Wednesday, 08 June 2022 17:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter