“Uluk nana’in parabéns ba UNTL liuhusi Departamentu Agrikultura Peska no sientista sira ho estudante sira halo inisiativa ida-ne’e e selebra dia mundiál OCEANO e natureza jerÁl”, hatete nia hafoin halo abertura ba Semináriu Nasionál iha UNTL-Hera, kuarta (08/06).
Ba inisiativa ne'e Prezidente Repúblika haree hanesan parte di'ak ida no importante tebes atubele konsesializa sosiedade sira tanba Timor-Leste nu’udar rai ki’ik presiza halo buat hirak ne'e atu ema ida-idak bele salva nia-an no salva mós natureza rai laran hodi kontribui ba meiu ambiente iha mundu.
Reitór UNTL, João Soares Martins hatete, obejtivu husi Semináriu nasionál ne'e nu’udar meiu ida hodi halo reflesaun husi ema ida-idak hanoin ne'ebé di'ak liután hodi konsentra ba esforsu tomak kona-ba oinsá dezenvolve tasi sai hanesan rekursu ne'ebé mak importante nomós bele produz reseita ba nasaun.
“Ita-nia ikan barak ke ema seluk mak aproveita duke ita-nia peskadór sira ita-ninian fatin sira furak tebtebes para ba turizmu tasi nian, ita seidauk aproveita másimu”, afirma nia. (*)
