Print this page

SEA-USAID Entrega Pasta Biodegradável Eskola Canossa Matak

SEA ho USAID entrega hela pasta Biodegradável ba estudante sira iha Eskola Canossa Matak. SEA ho USAID entrega hela pasta Biodegradável ba estudante sira iha Eskola Canossa Matak. Foto Tempo Timor

Tempotimor (Dili)-Sekretáriu Estadu Ambiente (SEA) ho parseriu internasionál Ajénsia Estadu Unidu ba Dezenvolvimentu (USAID) ofisialmente entrega pasta bio-degradável hamutuk 5.000 ba Eskola Canossa Matak (ECM).

“Onra boot ida, mai hamutuk ho ita ohin iha workshop finál no entrega ofisiál sakola biodegradavel ba eskola Canossa. Ohin, USAID fornese sakola ne'ebé bele uza fali hamutuk 5.000 hodi ajuda fasilita proibisaun sakola plástiku ne'ebé uza dala ida de’it ba komunidade Eskola Canosiana”, dehan Diretora Misaun USAID, Zema Semunagus, iha Eskola Canossa, Has-laran Manleuana, kuarta (08/06).

Tanba ne’e, mak matak katak moos ho Moris Amigável Transforma Ambiente Kapas iha aredór kampuz institutu profesionál Canossa no eskola sekundáriu Santa Madalena Canossa Has-laran.

“Inisiativa ne'e apoia misaun Jerál USAID nian atu kombate mudansa klimatika liuhusi medida mitigasaun no adaptasaun”, esplika nia.

Ba Estadus Unidus liuhusi USAID nia projetu turizmu ba ema hotu ajuda Timor-Leste hodi implementa politika Nasionál turizmu Timor-Leste nian.

“Hanesan nasaun illa sira, ambiente naturál iha Timor-Leste sofre husi kuantidade lixu plástiku ne'ebé barak tebes, esgotu sira entupidu plástiku ne'ebé uza dala ida de'it mak sai kauza prinsipál ida ba inundasaun iha tempu Páskoa”, esplika nia.

Esforsu ne'e inspira husi Governu Timor-Leste nia politika zero plástiku

Parte seluk envolve Sekretáriu Estadu meiu-ambiente hodi hasa'e konsiénsia kona-ba importansia husi hamenus, uza fali, no resiklajen.

Nune’e atu ajuda rezolve dezafiu lixu plástiku iha Timor-Leste, inisiativa ida-ne'e iha objetivu atu eduka joven sira kona-ba risku plástiku ne’ebé uza dala ida de’it ba sira-nia moris no sira-nia futuru.

Diretora Jerál Eskola Canossa, Ervinia Brito hatete, Sekretáriu Estadu Ambiente ho parseriu USAID distribui sakola biodegradavel ba estudante Canossa Matak.

“Ami simu ona sakola zero plástiku husi diretora misaun USAID nian, hanesan uluk mós ami simu projetu kantina, oinsá Canossa serbisu hamutuk hodi kria meiu ambiente moos", dehan nia.

Tanba sakola ne'ebé entrega ba profesór sira, estudante sira hotu no komunidade ka inan-aman estudante nian.

“Plástiku ida ne'e atu ajuda mestri no mestre ba estudante sira atu ba komprapas iha loja bele uza de'it plástiku ne'e hodi reduz lixu”, afirma nia.

Seremónia ne'e hetan partisipa másimu husi estudante pre-sekundária, sekundária no institutu profesionál canossa ho mestre no mestra sira hotu inklui mós komunidade sira. (*)

Rate this item
(0 votes)
Last modified on Wednesday, 08 June 2022 12:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items