Login to your account

Username *
Password *
Remember Me

KHUNTO Sujere Governu Autoriza Eskola Kria Planu Asaun Anual iha OJE

Deputadu Bankada Kmanek Haburas Unidade Nasional Timor Oan (KHUNTO), António Verdial. Deputadu Bankada Kmanek Haburas Unidade Nasional Timor Oan (KHUNTO), António Verdial. Foto Suplay

Tempotimor (Dili)-Deputadu Bankada Kmanek Haburas Unidade Nasional Timor Oan (KHUNTO), António Verdial, sujere ba Governu atu autoriza kada eskola kria rasik Planu Asaun Anual iha Orsamentu Jeral Estadu (OJE) tanba sira mak hatene liu nesesidade eskola nian.

“Bankada KHUNTO rekomenda ba Governu fó fila independensia Autónomu ba eskola tanba eskola sira mak hatene sira-nia nesesidade ho nune'e planu asaun anual ne'e atu di'ak liu eskola ida-idak mak halo”, dehan nia iha plenária Parlamentu Nasionál, segunda (06/06).

Tanba Ministériu Edukasaun Juventude no Desportu labele mesak-mesak halo planu husi nasionál hodi manda de'it ba eskola sira sein rona preokupasaun no sujestaun ne'ebé mak kada eskolar sira nesesita iha baze.

Bankada KHUNTO mós husu ba direjente iha nivél Ministériu Edukasaun Juventude no Desportu atu badina lee relatóriu ne'ebé submete husi eskola sira iha terióriu tomak, oinsa mak bele identifika preokupasaun sira iha laran.

“anba saida mak ha'u husu atu ita-boot sira lee tanba dala barak ita-boot sira mós lá tau tan iha kestaun, liafuan simples ita-boot sira la liga raí”, hatete nia.

Ho ezemplu ne’ebé mak iha politika Governu halo rekrutamentu ba profesór foun sira atu troka profesór sira ne'ebé mak idozu ona no balun mate ona maibé to’o oras ne'e prosesu seidauk iha zultadu ruma.

Nune’e husu ba Ministériu Edukasuan atu hadi’a mekanizmu tratamentu funsaun públika ba funsionáriu sira tanba kada tinan sempre halo avaliassem dezempeñu ba profesór no funsionáriu sira hetan muito bom maibá laiha mudansa ba grau no salariál.

“Rekomendasaun espesial ba Governu atu aloka orsamentu ida ne'ebé mak boot iha OJE, prepara fatin ne'ebé di'ak no efetivu hodi hatan ba situasaun real no halo rekrutamentu ba profesór sira ne'ebé iha abilidade edukasionál husi materia oioin”, afirma nia.

Ba kestaun ne'e, Ministru Asuntu Parlamentár no Kominikasaun Sosiál (MAPKomS), Francisco Martins da Costa Pereira Jerónimo hatete, dadauk Governu rejista ona preopasaun husi deputadu Bankada KHUNTO nian no promete sei haruka ba Ministériu Edukasaun Juventude no Desportu atubele fó hikas resposta ba deputadu sira iha Parlamentu Nasionál.

“Ha’u hanoin relasaun ho edukasaun, hanoin ha'u atu dehan dala ida katak ami sei informa sira ne'e ba señor Ministru Edukasaun, atubele fó resposta”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter