Login to your account

Username *
Password *
Remember Me

CNRT Krítika Governu Inventa Lei Grande Opsaun ba OJE 2023

Vise Xefe Bankada Congresso Nacional de Reconstrução de Timor (CNRT), Patrocino Fernandes. Vise Xefe Bankada Congresso Nacional de Reconstrução de Timor (CNRT), Patrocino Fernandes. Foto Tempo Timor

Tempotimor (Dili)-Vise Xefe Bankada Congresso Nacional de Reconstrução de Timor (CNRT), Patrocino Fernandes, kritika Governu daulu inventa lei grandes opções hodi kria kondisaun ba sira-nia an para aprova Orsamentu Jerál Estadu (OJE) 2023.

“Ohin imi husu dehan Bankada CNRT nia hanoin, eh ami haree husi lei ne'e hanesan Governu laiha servisu ne'e mak inventa de'it ona sasán sira ne'e. Tanba talvez ida ne'e hanesan justifikasaun ida atu mai para hatete dehan durante ne'e bankada opozisaun ami sempre ko'alia kona-ba envolvimentu FRETILIN nian iha Governu ida agora ne'e mai aprezenta programa seluk, Governu laiha programa”, dehan nia iha PN, kinta (02/06).

Tanba públiku tomak hatene iha fulan hira liuba kotuk Governu halo lei foun hodi hamate tiha lei organizasaun finanseiru nian, hodi obriga sira introduz mós artigu balun hodi regula katak molok Governu lori OJE ba Parlamentu Nasionál tenke mai uluk ho lei foun ida.

“Ami haree katak Lei Grande Opções ne'e mai sira lori nein muda buat seluk ida ba buat foun ida, tanba lei ne'e justru mai para kria tan de'it kondisaun ba Governu bainhira atu halo orsamentu kuandu haree ba dokumentu ne'ebé mak Parlamentu aprova ona iha 2018 kona-ba programa Governu ninian ba tinan lima”, hatete nia.

Bankada CNRT mós haree Governu halo ida ne'e ho intensaun seluk atu taka dala ba governu foun. Tanba Governu nia ejisténsia la to'o tinan ona.

“Halo Lei Grande Opções para depois mai atu kesi tiha Governu foun ida mai ninia polítika ruma karik atu halo ajustamentu ba orsamentu ho buat sira ne'e hotu”, afirma nia.

Aleinde Lei Grande Opções ne'e rasik mós sei lori efeitu negtivu ba sustentabilidade fundu petróleo ninia, bainhira lei ne'e aprova mak automatikamente Governu sei foti foti tan osan Billaun $2 husi fundu petróleu hodi prevee ba OJE 2023.

‘Iha 2022 ninian Governu halo ona aprovasaun ba OJE ne’e hamutuk Billaun $3.2 ital ne'e e husi lei ida ne'e Governu prevee tan atu foti tan osan ne'e billaun $2, kuandu 2023, ne'e atu hatete saída katak ameasa ba fundu petróleu ne'e kada tinan ba tinan nia risku ne'e boot tebes ona”, esplika nia.

Deputadu Bankada FRETILIN, Joaquim dos Santos hatete, Lei grande opsaun ne'e tuir loloos ejiste ona iha mandatu governu anterior sira maibé tanba la konsege entaun foin mak implementa iha mandatu Governu daualu.

Husi Lei Grandes Opsaun ne'e rasik ko'alia kona-ba planu prioridade sira nomós define tetu orsamentu hodi bele haree ba setór prioridade sira molok aprezenta OJE ba Palamentu Nasiomál. (*)

Rate this item
(0 votes)
Last modified on Thursday, 02 June 2022 17:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter