Login to your account

Username *
Password *
Remember Me

PN Hein Governu Ajusta Dadus ba Proposta Alterasaun LPV

Prezidente Komisaun A trata Asuntu justisa no konstitusional, Joaquim dos Santos. Prezidente Komisaun A trata Asuntu justisa no konstitusional, Joaquim dos Santos. Foto Tempo Timor

Tempotimor (Dili)-Prezidente Komisaun A trata Asuntu justisa no konstitusional, Joaquim dos Santos hatete, dadauk Parlamentu Nasionál hein hela Governu atu ajusta dadus kona-ba norma distribuisaun Diretu Benifisiáriu nian ba proposta Alterasaun Lei Pensaun Vitalísia (LPV) no rejime remuneratóriu nune'e komisaun bele produz ona relatóriu.

“Ami hein hela disponibilidade Governu ou Ministériu konpetente a atu ajusta dadus liliu liga ba norma de atribuisaun Diretu”, dehan nia iha PN, kinta (02/06).

Tanba at hamosu lei ida hodi hamate fali lei ida moris ne'e, ninia resiku ne'e sei boot entaun tenke estuda didi'ak, nune'e labele iha risku ba Diretu Benifisiáriu sira-nian.

Maske audénsia Públika ba lei ne'e finaliza tiha ona maibé komisaun A seidauk bele produz relatóriu tanba presiza hein dadus balun husi Governu.

Ho Lei ne’ebé dadauk iha pendente tanba komisaun haree katak alterasaun ida ne’e la’ós fasil atu altera lei ida ne’e.

Ho preokupasaun ida ne'e mak Komisaun A mós reside halo hela peskiza aleinde hein mós disponibilidade husi Ministériu konpetente atubele regula kona-ba norma sira.

“Ne’ebé nia tama iha ajenda komisaun nian ne'e la'ós la halo ona la'e”, afirma nia.

Maibé Komisaun A husu ba mídia sira atu haluha ona termu vitalisia ne'e tanba ida-ne'e la ejiste ona. Tanba agora la’ós uza Lei Pensaun Vitalísia maibé uza rejime remuneratóriu ba nível Nasionál ho ida ne'e tenke halo diferensia entre orgaun estadu ho funsaun públika no setór privadu sira no trata tuir lei, no labele kahur.

Komisaun A mós nota lei no matéria ne'ebé iha sei lá fó prejuízu liu ba Estadu, tanba lei mai Komisaun sempre tau iha ajenda maibé derepente Governu nia proposta sira urjente mak to’o agora seidauk atu ajenda.

“Audénsia halo tiha ona, ne'ebé nia sei prosesu seidauk mate, nia ne'e ha'u ko'alia repete dala hira ona. Agora de'it ita urjente tiha ona ho Lei Grande Opsaun ne'e públiku hatene dehan agora ne'e iha regra de diskusaun lei ne'e prioridade ida ne'ebé, ida ne’e la'ós dehan tama uluk ona nia tenke hotu ona, bele ohin tama aban seluk mai nia hein lai, ida ne'e prioridade entaun prontu ida ne'e tau lai”, hatete nia.

Durante ne’e Komisaun A iha hanoin hakarak finaliza lei ne’e antes mandatu remata, maibé lá konsege tanba iha lei prioridade barak ne'ebé mak komisaun prioritiza.

“Ne'ebé ida bee halo inisiativa ba lei ne'e tenke hatene depois ho prazu, lei kuandu mai lá ho prazu ne'e siknifika ládun importante, kuandu lei ne'e prazu 20 dias ah ne'e ita tenke prazu to'o 20 dias ne'e tenke halo hotu, agora ida mai dehan katak periode normal de'it ne'e ita halo tuir periode normál, buat ne'e prosesu audénsia tiha ona, atu halo relatóriu derepente ida ne'e mai”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter