Print this page

KHUNTO Kontra Governu Deklara Funu Ukraina ho Rusia Afeta Sasán Folin Sa’e

Xefe Bankada Kmanek Haburas Unidade Nasional Timor Oan (KHUNTO), Olinda Guterres. Xefe Bankada Kmanek Haburas Unidade Nasional Timor Oan (KHUNTO), Olinda Guterres. Foto Suplay

Tempotimor (Dili)-Xefe Bankada Kmanek Haburas Unidade Nasional Timor Oan (KHUNTO), Olinda Guterres, kontra Governu deklara folin sasán dadaun ne'e sa'e maka’as tanba afeta husi funu entre Ukraina ho Russia.

“Ha'u óla'os mensajen ba ne’e de’it, iha plenária mós ha’u hatete labele halo deskriminasaun, labele hamatak povu buat ida funu dook iha ne’eba ne’e, ita iha ne’e hasa'e folin oin seluk. Sigaru nia folin sa’e, sasán nia folin sa’e hotu kedas ne’e ladun loos. Ne'ebé husu ba Ministériu konpetente atu tun ba área ka tun ba baze para hodi haree diretamente ho matan, sasán saida mak folin sa'e los, buat folin sa'e ne’e husi ne'ebé labele dehan Ukraina ho Rusia ne’e ladun loos ona”, dehan nia iha Parlamentu Nasionál, kuarta (01/06).

Ho situasaun sira ne'ebé dadaun akontese deputadu la'o observa hela, maibé atu tun direta ba fiskaliza ne'e mak deputadu seidauk halo tanba Prezidente Parlamentu Nasionál, Aniceto Guterres seidauk fó autorizasaun.

“Ami-nia Prezidente seidauk fó orden, ami iha ona planu maibé ami sei hein de’it karta koñesementu ruma mai ami atu tun. Ukrania ho Rusia la’ós iha Timor iha Rai liur”, afirma nia.

Tanba funu entre Ukraine ho Rusia ne'e dook husi Timor no tuir loloos sasán nia folin labele sa’e derepende hanesan ne'e.

Iha ne'e Bankada KHUNTO mós fó atensaun ba Kompaña sira atu hala'o distribuisaun sesta bázika faze daruak tenke distribui di'ak labele komete erru inklui deskrimina benifisiáriu sira-nia Diretu.

Iha tinan 2022 wainhira implementasan sesta bázika dahuluk, deputadu sira-nia grupu ba to'o iha fatin balun indentifika katak komunidade sira lakohi simu tanba komapaña halo deskriminasaun ba sasán ne’ebé fahe la hanesan.

“Mina balun hetan, e balun la hetan nomós mantolu balun hetan balun la hetan ida ne’e ami hetan iha tinan uluk iha Ainaru kala iha aldeia ida mak seidauk simu totál”, informa nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items