Login to your account

Username *
Password *
Remember Me

FUP Baukau Fó Inspirasaun ba Labarik Sira

Estudante Octaviano Domingos da Costa Fatima ne'ebé asumi hela kargu nu’udar Prezidente Autoridade Munísipiu Baukau, durante óras haat nia laran, kurta (01/06). Estudante Octaviano Domingos da Costa Fatima ne'ebé asumi hela kargu nu’udar Prezidente Autoridade Munísipiu Baukau, durante óras haat nia laran, kurta (01/06). Foto Tomas Freitas

Tempotimor (Baukau)‐Fundasaun Uma Paz (FUP) Baukau fó inspirasaun ba labarik sira iha komemorasaun loron mundiál labarik.

"Ohin loron troka papél ne'e, inspira sira fó mehi ba labarik sira, nune'e bele sai jerasaun kontinuadór ne'ebé bele asume kargu sira," dehan Diretóra Ezekutivu FUP, Felismena Belo, iha salaun sentru konvensaun Baukau vila antiga, kuarta (01/06).

Troka papél ne'ebé labarik na’in haat asumi kargu temporariamente ne’e, fó mehi no forma labarik sira bele estuda makas liután hodi atinji mehi iha future.

Tanba ne'e, Prezidente Autoridade Munísipiu (PAM) Baukau, Kamadante Komandu Polísia Nasionál Timor-Leste (PNTL) Baukau, FALINTIL-Forsa Defeza Timor-Leste (F-FDTL), Komisária Komisaun Direitu Labarik,  Provedória Direitus Humanus Justiça (PDHJ) Delegasaun Territórial Baukau, inklui Fundasaun Uma Paz (FUP) Baukau, ohin loron 01 fulan-Juñu tinan-2022, fó oprtunidade ba labarik na'in-6 durante óras-4, iha kna'ar fatin hodi inspira mehi ba futuru nian.

"Ohin ne'e fó duni oportunidade óras-4 hahú husi eskritóriu Munísipiu no PNTL nian no mós Komisária husi nasionál no PDHJ mak halo ékipa VIP mai iha CCB hodi komemora loron internasionál ba labarik iha Baukau, autoridade sira ne'ebé mak fó duni sira nia kna'ar papél troka ho labarik sira no mensajen importante ohin labarik sira mak fó sai duni iha loron ida ne'e," nia afirma

Alende mós, iha selebrasaun loron mundial ne'e, kria jogu, lé poezia, dansa inklui aminasaun drama violénsia bazeia ba jéneru ba labarik sira liga ho soe bebe.

"Drama ne'e husi grupu Filteda mak aprezenta iha ne'eba fó solusaun, komunidade, parte igreja no parte saúde ajuda, parte seluk poezia fó inspirasaun ba labarik no mós ba ita nia estadu, iha tán jogu, sira tata berlindus, dada tali no mós tuu kabas ba daun ami sei fahe prezente," nia hatete

Estudante Octaviano Domingos da Costa Fatima ho idade-14 husi eskola ensiñu báziku Santo António Baukau, sente kontente iha selebrasaun loron mundiál ba labarik ne'e, tanba bele asumi kna’ar  nu’udar Prezidente Autoridade Munísipiu Baukau durante oras haat nia laran.

"Atu atinji futuru, tenke estuda makas, ha'u nia mensajem kolega sira ita mak futuru Timor nian, presiza estuda esforsu aan makas liután prepara aan ba futuru," nia hatete

Troka papél ne'e, parte ida enkoraja nia atu estuda makas, nune'e bele sai Prezidente Autoridade Munísipiu Baukau, hodi luta ba direitu labarik nian liu-liu ba área edukasaun nian.

Entretantu partisipa iha selebrasaun loron mundiál ba labarik sira iha Munísipiu Baukau, estudante na'in-100, mestre na'in-50, inklui parseriu dezenvolvimentu sira. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter