Login to your account

Username *
Password *
Remember Me

CNRT 'Hakarak' Hatene Kooperasaun Servisu KAK ho Tribunál Rekursu

Deputada Bankada Congresso Nacionál de Reconstrução de Timor (CNRT), Carmelita Caetano Monis. Deputada Bankada Congresso Nacionál de Reconstrução de Timor (CNRT), Carmelita Caetano Monis. Foto Suplay

Tempotimor (Dili)-Deputada Bankada Congresso Nacionál de Reconstrução de Timor (CNRT), Carmelita Caetano Monis hatete, sira-nia parte hakarak hatene kooperasaun servisu husi Komisaun Anti Korrupsaun (KAK) ho Tribunál Rekursu (TR) kona-ba unifomidade formuláriu dijitál ba instituisaun no funsionáriu públiku sira atubele deklara sirania riku soin.

“Kona-ba priensementu dijitalizasaun formuláriu ida ne'e iha ka la'e uniformidade entre tribunál ho KAK ne'e rasik, ita-boot sira-nia kooperasaun servisu ne'e oinsá”, dehan nia hafoin rona aprezentasaun relatáriu anuál husi Komisaun Anti Korrupsaun 2021 iha plenária PN, segunda (30/o5).

Tanba lei prevensaun kombate korrupsaun ne'ebé hamosu kona-ba deklarasaun bens ida ne'e Komisaun Anti Korrupsaun ninia tékniku atu hala'o servisu ida ne'e oinsá, no uniformidade formuláriu ne'ebé mak atu fó ba entidade sira prienxe.

“Ba ami deputadu sira, ami hetan ona husi tribunál rekursu ami prienxe tiha ona, ne'ebé la'ós fasil e komplikadu mais to'o ikus ami konsege halo priensementu ne'e tanba se la'e ami bele hetan sansaun ida multa pursentu 30”, hatete nia.

Bankada CNRT haree katak Funsionáriu Públiku no dirjente sira ne'ebé mak sei ba KAK atu prienxe formuláriu dijital ne'e ema barak maibé la'ós ema oituan.

Tanba, tuir regra Funsionáriu Públiku inklui servisu alfándega, no aprovizionamentu sira hakarak ka lakohi tenke ba prienxe, agora kondisaun ne'ebé KAK prepara ne'e oinsá ona.

“Oinsa ita-boot sira-nia servisu haree ba ida ne'e?. Ne'e uma prevensaun korrupsaun e lei mós fó katak, kada tinan-rua tenke halo verifikasaun ba bens servisu ba orgaun soberanu sira e mós ba funsionáriu sira hotu. Agora ita-boot sira-nia tékniku no orsamentu sira, serake sufisiente atu halo ida ne'e”, hatete nia.

Komisiáriu Komisaun Anti Korrupsaun (KAK), Sergio Hornay hatete, sira-nia parte sei nafatin halo esforsu halo kooperasaun instituisionál oinsá mak bele fó koiñesimentu klean ba kada funsionáriu públiku kona-bá lei Prevensaun no Kombate Korrupasaun.

“Kona-ba kooperasaun inestituisionál, ami hanoin katak kooperasaun ne'e importante, buka esforsu hothotu ho hanoin ida mak atubele fó koiñesimentu ba funsionáriu sira hotu, atu nune'e sira bele integra”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter