Print this page

MNEK Prepara Akordu Haat Asina ho Ministru Negósiu Estranjeiru Xina

Ministra Negósiu Estranjeiru no Kooperasaun, Adaljiza Albertina Xavier Reis Magno. Ministra Negósiu Estranjeiru no Kooperasaun, Adaljiza Albertina Xavier Reis Magno. Foto Suplay

Tempotimor (Dili)-Ministra Negósiu Estranjeiru no Kooperasaun, Adaljiza Albertina Xavier Reis Magno hatete, dadaun ne'e sira prepara akordu haat ne'ebé mak sei selebra ho Ministru Negósiu Estranjeiru Xina, Wan Yi ninia vizita ofisiál mai Timor-Leste iha loron 13 juñu tinan 2022.

“Ha’u mai breafing Primeiru-Ministru no relata progresu preparasaun vizita Ministru Negósiu Estranjeiru Xina, ne’ebé sei mai vizita Timor-Leste. Ha’u relata ba Primeiru-Ministru akordu saida mak ita atu asina tanba Primeiru-Ministru tenki hatene uluk molok simu ministru ne’e”, dehan Ministra Adaljiza Albertina, hafoin sorumutu ho Primeiru Ministru (PM), Taur Matan Ruak, iha Rezidénsia Ofisiál PM, Farol, segunda (30/05).

Akordu ne'ebé Timor-Leste hakarak asina ho Governu Xina mak hanesan, akordu servisu aero Air Service Agreement(ASA), akordu apoia Rádiu Televizaun Timor-Leste, Empreza Públika (RTTL,E.P), akordu kona-ba apoia médiku espesialista mai Timor-Letse, akordu ekonómiku, ba área agrikultura no bee-moos inklui akordu balun ne’ebé sei diskute hela no kuandu iha ona konkordansia sei anunsia.

Durante vizitasaun husi Ministru Negósiu Estranjeiru Xina ne’e, iha loron ida de'it (24 oras), ne’ebé sei aproveita mós hasoru Prezidente Repúblika (PR), José Ramos Horta, Ministra Negósiu Estranjeiru no Kooperasaun, Adaljiza Albertina Xavier Reis Magno, inklui Primeiru-Ministru, no entidade sira seluk tan. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items