Print this page

AJAR ‘Kontra’ ParPol Uza GAM Sai Forsa Polítiku iha Eleisaun

Ofisiál Intituisionál no Advokasia Asia Justice and Rights (AJAR), Inocencio de Jesus Xavier. Ofisiál Intituisionál no Advokasia Asia Justice and Rights (AJAR), Inocencio de Jesus Xavier. Foto Suplay

Tempotimor (Dili)-Ofisiál Intituisionál no Advokasia Asia Justice and Rights (AJAR), Inocencio de Jesus Xavier hatete, sira kontra líder Partidu Polítiku (ParPol) sira uza Grupu Arte Marsial (GAM) sai forsa politiku iha eleisaun, tanba ida ne'e sei hamosu  problema entre Arte Marsiál sira.

“Agora atu evita problema mosu, primeiru mak politiku sira labele mentaliza no utiliza sira. Partidu Politiku sira labele uza forsa Arte Marsiál ne'e nu’udar forsa politiku, ne'e labele”, dehan nia iha Timor Plaza, sesta (27/05).

Tanba ne’e, husu ba lideransa GAM ka xefe sira ne'ebé fo formasaun ba membru sira, labele tama iha kampaña politiku ruma hodi uza forsa husi GAM ba afavor politiku nain balun.

Ba membru sira ne'ebé deside hamahon-an iha organizasaun ne'e mai husi faliadu partidu oioin, no sira hakara tama Arte Marsiál ne'e tanba atu hetan treinamentu ruma no sira la'ós mai ho partidu.

AJAR mós hato'o agradesimentu ba Governu daualu liliu Sekretáriu Estadu Juventude no Desportu (SEJD) tanba konsege halo esforsu maka’as hodi reativa fali atividade husi Organizasaun Arte Marsiál sira ne’ebé durante ne’e suspende sira-nia atvidade iha Timor-Leste.

Maibé AJAR kontra prinsípiu sira husi Governu daneen ne'ebé mak hakarak taka Arte Marsiál, tanba tuir loloos Governu tenke reforsa sira inklui fó kbi’it ba sira, legaliza sira para autoridade sira bele kontrola.

“Se agora dadauk oitavu Governu reativa ida ne'e, ne'e atu ajuda para iha meiu kontrolu, atu labele ba treinu kalan labele ba sa'e sabuk iha liur, ne'e Governu nia politika ida di'ak atu ajuda ita-nia joven sira ne'ebé prátika Arte Marsiál ne'e la'ós atividade kriminozu agora Estadu mak iha obrigasaun atu regula”, dehan nia.

Tanba prosesu atu regula ne'e tenke legaliza uluk maibé agora Governu legaliza ona, no ida ne'e konstituisaun mós loke dalan atu Governu bele hakbi’it liberdade asosiasaun no movimentu sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items