“Ha'u-nia hakarak mak ida ne'e, notísia sira ne'ebé sai, ne'e notísia sira ne'ebé reflete realidade, reflete situasaun ne'ebé ne'e, tamben e jatamente ida ne'e mak babain ita-boot sira halo”, deklara Taur iha Palásiu Prezidensiál Bairopite, kinta (26/05).
Tanba, hakarak jornalista husi mídia sira livre ba halo kobertura ba atividade saida de'it iha rai laran, maibé hatudu realidade ne’ebé akontese.
Kona-ba Membru Governu ne'ebé hato'o keixa ba Ministériu Públiku hodi kontra jornalista m’idia online balun, nu’udar Xefe Governu seidauk hatene informasaun kompletu inklui motivu husi kazu ida ne’e.
Ho situasaun ne’e, PM Taur seidauk bele fó komentáriu kona-ba pozisaun Xefe Governu, tanba asuntu ida ne’e justisa nian, maibé nia parte sei buka hatene motivu husi keixa ida ne’e.
Maske situasaun ida ne’e lamentavel oituan maibé ida ne’e sei la hamate espiritu liberdade imprensa nian. Tanba liberdade imprensa iha Timor-Leste ne’e nu’udar kompromisu husi Estadu nian no la'ós membru Governu ida nian. (*)