Login to your account

Username *
Password *
Remember Me

Taur Kontente Governu Hari’i Sede ba Arte Marsiál Sira

Primeiru Ministru (PM), Taur Maan Ruak, ko’alia hela ho membru Grupu Arte Marsiál sira iha Jinajiu, Dili, kinta (26/05). Primeiru Ministru (PM), Taur Maan Ruak, ko’alia hela ho membru Grupu Arte Marsiál sira iha Jinajiu, Dili, kinta (26/05). Foto Suplay

Tempotimor (Dili)-Primeiru Ministru (PM), Taur Maan Ruak, kontente bainhira Governu Timor-Leste liuhusi Sekretária Estadu Juventude no Desportu (SEJD) atu hari’i sede ba Grupu Arte Marsiál sira iha Timor - Leste tanba sei bele regulariza Arte Marsiál hirak ne'e hodi moris tuir lei.

“Primeiru ajuda imi regulariza imi-nia situasaun ita hanesan Estadu de Direitu Demokrátiku, lei iha ita hotu nia leten hahú husi Prezidente da Repúblika liuhusi Parlamentu Nasionál husi Governu ba to'o iha Tribunál Rekursu no sidadaun sira bain bain hothotu iha lei nia okos laiha ida ke iha lei nia leten regulariza imi-nia situasaun ne'e siknifika legaliza imi ne'e katak imi mós organizasaun ida iha fatin iha nasaun ida hanesan Timor-Leste livre no indepedente no ha'u hatene prosesu ida ne'e la'o di'ak los no ha'u kontente”, hatete PM Taur iha iha Salaun GMT Kaikoli, kinta (26/05).

Xefe Governu ne'e mós autoriza hodi hari’i sede ba Arte Marsiál sira atu nune'e bele kontrola membru kada ida-idak atu nune'e bainhira membru ruma nakar karik bele identifika lalais.

“Segundu imi tenke iha uma ida para kuandu iha labaraik sira nakar ami hatene ba buka iha ne'eba la'ós ba buka lemo-lemo tanba ne'e orsamentu ratifikavu filafali foin dadaun tau osan oituan para ajuda imi halo imi-nia sede kuandu imi-nia sede iha ona baino sira, imi nakar oituan ami ba los iha imi-nia knua ami la buka iha fatin-fatin ami hatene ba sira iha ne'eba lia na'in sira iha ne'ebá ami ba loos de'it no Sekretáriu Estadu Prezidente KRAM ho nia Staff sira ho Prezidente sira ita-boot sira-nia lideransa servisu hamutuk para ajuda implementa”, dehan nia.

Antes ne'e, Sekretária Estadu Juventude Desportu (SEJD), Abrão Saldanha ‘Nokosiku’ hatete, iha tinan 2022 sei hari’i sede sanulu 10 ba organizasaun Arte Marsiál no Rituál iha Timor laran tomak.

“Iha sanulu (10) resin kuandu haree sira-nia rain iha ne'e ita sei ajuda maibé sei halo kritéria para selesiona ba sira loloos ida ne'ebé mak prense rekézitu mak ita ajuda”, dehan Abrão. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter