“La'e, la afeta ida, alias pelu kontrariu ne'e beruba tiha ida konstituisaun fó, ne'e Prezidente Repúblika bele uza ida ne'e”, hatete nia, iha Palasiu Prezidensial Bairo Pite, kinta (26/5).
Tanba Prezidente Repúblika husu fiskalizasaun abstrata ne'e bazeia ba konstituisaun, tanba iha mandatu Prezidente Repúblika, Taur Matan Ruak mós sempre husu bebeik Tribunál atu hala'o fiskalizasaun abstrata ba lei molok halo promulgasaun.
Maibé, karik orsamentu retifikativu ida ne'e mak Tribunál identifika inkonstituisionál ruma, entaun sei fó kompeténsia ba Parlamentu Nasionál mak tenke responde no la'ós Governu mak responde.
“Ami-nia uma ves ke lei promulga ona, ami ezkuta”, hatete Taur.
Tanba lei ida ne'e, agora liña ministérial balun komesa halo ona preparativu atubele ezekuta, tanba lei ne'e hetan promulga ona husi eis Prezidente Repúblika, Francisco Guterres ‘Lú Olo’. (*)