Print this page

Indonézia Hein Problema Fronteira Bele Hetan Solusaun

Embaisadór Repúblika Indonézia iha Timor-Leste, Okto Dorinus Manik. Embaisadór Repúblika Indonézia iha Timor-Leste, Okto Dorinus Manik. Foto Suplay

Tempotimor (Dili)-Embaisadór Repúblika Indonézia iha Timor-Leste, Okto Dorinus Manik, hein problema fronteira terrestre entre Timor-Leste ho Indonézia iha área Rejiaun Administrativa Espesiál Oekussi Ambeno (RAEOA) ne'e sei hetan solusaun iha tempu badak.

“Iha kestaun rua ne'ebé pendente kona-ba ita-nia fronteira terrestre sira iha área Oekussi-Citrana, no parese iha ona sorumutuk nível Governu nian no sei kontinua iha tempu badak, espera katak tinan ida-ne'e bele remata”, dehan nia hafoin finaliza audénsia ho Prezidente Repúblika, José Ramos Horta iha Palásiu Prezidensiál, Bairopite, kuarta (25/05).

Tanba problema fronteira terestre ne'ebé pendente hela iha área Oekussi-Citrana, ida ne'e Xefe Negosiadór Fronteira Maritima Timor-Leste nian, Xanana Gusmão, inklui parte Governu nian husi nasaun rua ne'e dala ruma iha ona koordenasaun, atubele finaliza iha tempu badak.

Ho ida ne'e, nu’udar Embaisador Repúblika Indonézia iha Timor-Leste espera katak tinan ida ne'e, kestaun ne'e bele finaliza ona, tanba iha mós ejizénsia ba Indonézia atu kontinua koko rezolve problema ne'e. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items