“Ami hahú servisu hamutuk ho Señor Ramos Horta no buat ne'ebé ami hato'o ne'e definitivamente introdusaun ba ami-nia kolaborasaun iha futuru”, informa dehan Embaisadór RI, Okto Dorinus Manik hafoin audénsia ho Prezidente Repúblika, José Ramos Horta, iha Palásiu Prezidensiál, Bairopite, kuarta (25/05).

Iha enkontru ne'e, Embaisadór Indonézia lori Estadu Repúblika Indonézia nia naran hato'o ksolok boot tanba bele hasoru malu ho Prezidente Repúblika foun inklui mós ekipa Gabinete hodi ko’alia koolaborasaun servisu ba oin nian.

“Iha lokraik ida-ne'e no ho ekipa foun iha Gabinete Prezidente Timor-Leste, Señor Ramos Horta ne'e onra ida ba ami, atu ami bele hasoru malu ho Señor Ramos Horta nia Gabinete, iha demana dahuluk”, hatete nia. (*)