Print this page

Governu Presiza Hadi'a Parajen iha Terminál Bekora no Tasitolu

Deputada Bankada Congresso Nacional de Recinstrução de Timor (CNRT), Vergína Ana Belo. Deputada Bankada Congresso Nacional de Recinstrução de Timor (CNRT), Vergína Ana Belo. Foto Suplay

Tempotimor (Dili)-Deputada Bankada Congresso Nacional de Recinstrução de Timor (CNRT), Vergína Ana Belo hatete, Governu presiza hadi'a kondisaun parajen iha terminál Bekora no Tasitolu atubele akumula transporte públiku sira ho di'ak.

“Nafatin ha'u hakarak ko'alia kona-ba terminál, parajen ba ita-nia bus kota, mikrolete sira liliu iha Bekora ho Tasitolu, ha'u lahatene problema saida mak hahú husi kedas 2018 to'o agora ita labele halo nein buat ruma ba ita-nia ema sira hodi karreta”, dehan nia iha plenária Parlamentu Nasionál (PN), tersa (24/05).

Ho kondisaun parajen iha Tasitolu ne'e Governu muda ona maibé dadaun sira trankadu hela iha Tasi ibun, ida ne'e sei hamosu problema boot liután.

Tanba karreta no pasajeiru hothotu konsentra hamutuk iha ne'eba, kuandu la kontrola, mak ema sei soe lixu arbiru no tempu udan sei lori hotu ba tasi laran.

“Agora lahatene ate bainhira para depois atu haree kondisaun terminál sira-nian labele husik hela ema mai ho kondisaun ida hanesan ne'e ema mai husi Atambua ka Kupaun mós mai so'e hela iha Tasitolu ne'eba depois ida-idak buka ninia karreta. Por favór husu para Governu tau hela atensaun ba situasaun ida ne'e”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items