Login to your account

Username *
Password *
Remember Me

PM Taur Parabeniza Servisu Mídia sira iha Timor-Leste

Primeiru Ministru (PM), Taur Matan Ruak. Primeiru Ministru (PM), Taur Matan Ruak. Foto Suplay

Tempotimor (Dili)-Primeiru Ministru (PM), Taur Matan Ruak, hato'o parabéns ba servisu mídia sira iha Timor-Leste, liliu jornalista sira ne’ebé hala’o kna’ar hodi divulga informasaun ba públiku durante ne’e.

“Kona-ba dezenvolvimentu mídia iha rai laran, sua eselénsia PM fó parabéns ba ita, apresiasaun boot ba ita mídia, tanba konsege halo nia kna’ar di'ak durante selebrasaun 20 de Maio ho Investidura PR foun, ita halo transmisaun direita, iha Tasitolu no palásiu prezidente inklui Parlamentu Nasionál, la’o di'ak e kooperasaun di'ak entre mídia nasionál ho mídia internasionál mós la'o di'ak durante selebrasaun ida ne'e”, dehan Ministru Asuntu Parlamentár no Komunikasaun Sosial Interinu, Mericio Juvinal dos Reis ‘Akara’, hafoin enkontru regular ho Primeiru-Ministru, Taur Matan Ruak iha Rezidénsia Ofisiál PM, Farol, segunda (23/05).

Nune'e PM Taur Matan Ruak fó apresiasaun no husu ba mídia sira ho nia profesionál divulga informasaun nomós jornalista sira atu mantein servisu di'ak.

“Entaun sua eselénsia PM, transmite nia apresiasaun ba ita e ha'u hakarak dehan ba ita-boot sira, ita mantein ita-nia servisu di'ak sira ne'e, para ba oin, ita-nia kualidade sai di'ak liután”, afirma nia.

Aleinde ne'e, hato'o mós ba PM, realasiona ho progresu servisu mídia nia ne'ebé hetan valór di'ak iha nivel mundiál ne'ebé hatudu liuhusi indise liberdade Imprensa mundiál, 2022 ne'ebé Timor-Leste okupa pozisaun 17 husi nasaun 180.

Ho Indise liberdade Imprensa ne'ebé iha hatudu Timor-Leste nia liberdade Imprensa di'ak liu no lori susesu boot liga ho seguransa ba kna’ar mídia sira-nia di'ak no aseguradu no inklui aspetu lejislasaun ne'ebé hatudu la iha impedimentu ruma relasiona ho kna’ar mídia sira-nia.

Nune'e mós poder polítika sira la halo intervensaun ida grave ba mídia sira-nia servisu, liga ho indepedénsia konsellu redasaun nia, iha aspetu sosiál, ekonómiku no polítika

“Ita-nia liberdade Imprensa ne'e, di'ak liu, e tinan ne'e, 2022, ita haksoit di'ak liután, husi 71 ba 17 husi nasaun 180, ne'e katak ita-nia liberdade Imprensa kompara ho nasaun sira seluk ne'e, ita agora di'ak liután”, deklara nia.

Primeiru Ministru (PM), Taur Matan Ruak, mós husu atu Timor-Leste mantein servisu di'ak ne'e, no buka hadi’a nafatin kualidade, liliu produtu jornalístika sira no utizasaun terminolojia no linguajen sira atubele hakonu komunidade ho informasaun ne’ebé kredivel. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter