“Oportunidade ba oin barak, e dezafiu mós barak, maibé oportunidade ba oin mak bele oinsá tinan lima mai ne'e rai ne'e nia ekonomia haksoit ba oin, ha’u lakohi rona politika oioin, ha’u hakarak haree de'it, oinsá ekonomia haksoit ba oin”, dehan Horta iha edifísiu Univesidade Nasionál Timor Lorosa'e (UNTL) Hera, segunda (23/05).
Tanba durante nia mandatu, ne'e oprtunidade oioin, no iha mós dezafiu oioin ne’ebé presiza prepara-an hooi harolu, tanba ne’e nia sei la rona politiku sira.

Maibé nu’udar aman ba nasaun hakarak haree de'it mak nasaun ne'e nia ekonómia haksoit ba oin, no lori investidór sira mai investe iha rai laran, nu’udar meiu ida atu rezolve inan isin-rua, ka kosokoan sira-nia moris di'ak iha loroloron.

“Investidór mai, para inan isin-rua sira-nia moris di’ak liu, para kosokoan sira-nia moris di’ak liu, para edukasaun la’o di’ak, ne’e mak ha’u-nia preokupasaun númeru 1”, hatete nia.

Tanba aman ba nasaun ne'e sei ko’alia mós ho partidu sira hothotu, ko’alia nafatin, ho Igreja, ho parseiru internasionál, atu lansa programa ruma espesifiku ba kosokoan sira, ba juventude, estudante sira, ba universidade sira, haree oinsá bele hadi’a joven sira-nia moris.

“Pelu menus sira ba eskola ne’e, hán pelumenus hadi’a saúde di’ak kada loron, ne'e importante loos, ha’u lakohi rona tan, diskursu politiku, akademiku, tanba ne’e oinsá ita-nia estudante sira bele hán hemu loroloron”, esplika nia. (*)