Print this page

SEKOOP sai Inspetór Serimónia Isár Bandeira iha Vikeke

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Vikeké)-Prezidente Repúblika (PR), José Manuel Ramos Horta, delega Sekretáriu Estadu Kooperativa (SEKOOP), Elizário Ferreira, sai inspetór ba Serimónia Isár Bandeira ba Komemorasaun loron independénsia ba dala XX loron 20 fulan-Maiu tinan 2022 iha Munisípiu Vikeké.

Ba Serimónia Isár Bandeira ne'e ho nia Thema mai ita hametin paz ho estabilidade hodi dezenvolve ita-nia rai Timor-Leste.

Iha diskursu Inspetór Serimónia Isár Bandeira, Elizário Ferreira ne'ebé lori mensajen PR nian hatete, sei promove bebeik diálogu ho orgaun Estadu hothotu ne'ebé mak eziste iha Timor-Leste.

“Hanesan Prezidente Repúblika ha'u kompromete atu promove bebeik diálogu entre orgaun sira oioin no partidu polítiku sira (ho no la ho reprezentasaun parlamentár) autoridade relijiozu sira Sosiedade Sívil no no komunidade lokál sira no sidadaun iha rai ida ne'e nian”, haktuir Reprezentante Prezidente Repúblika, Sekretáriu Estadu Kooperativa, Elizário Ferreira, iha Kampu Munisipál Vikeká, sesta (20/05).

Maske iha dezafiu importante hasoru mak nasaun nurak Timor-Leste hasoru mak mobiliza ba sidadaun sira-nia vontade tantu mane no feto haree ba prioridade dezenvolvimentu Nasionál.

“Resposta ba dezafiu ida ne'e hetan de'it liafuan ida de'it mak mobilizasaun intensa ida husi sidadaun sira hotu ba partisipasaun ho objetivu estratéjiku nasionál sira mak sai bele hetan dezafiu lubuk ne'ebé ita-nia rain hasoru, iha ne'e kualidade umana husi lideransa nasionál sei halo diferensa tomak”, haktuir nia.

Alende ne'e Prezidente Repúblika, José Manuel Ramos Horta, durante nia mandatu sei tau prioridade ba edukasaun no saúde, agrikultura seguransa alimentar, nutrisaun no bee-moos, transparánsia Estadu, defeza no seguransa.

Nu'udar imperativu atu kontinua atu kontinua implementasaun estratéjiku ba rejiaun Oekussi Ambeno, mak saúde, edukasaun, produsaun alimentár, no promosaun komérsiu, livre iha Indonézia no nasaun viziñu sira.

Tanba nasaun demokrasia tenke asegura demokrasia mak, Prezidente Repúblika hala'o nia kna’ar sei defende no kumpri ba Konstitusaun Repúblika Demokrátika Timor-Leste (K-RDTL) hanesan guardiaun ezisjente ba prinisípiu valór sira nasaun ne'ebé povu hili pertense ba.

“Nune'e sai Kompromissu durante ha'u-nia Mandatu hodi reprezenta Timoroan sira tomak no espíritu ba unidade ne'ebé posivelmente ampla liután”, haktuir Elizário.

Hafoin serimónia isár Bandeira iha parte dader, iha loraik hatun Bandeira iha Komemorasaun loron ne'e kontinua prezide husi Sekretáriu Estadu Kooperativa (SEKOOP) nu'udar Inspetór ba Serimónia refere. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items