Login to your account

Username *
Password *
Remember Me

PM Taur Espera Horta Kontinua Obra Lú Olo

Primeiru Ministru, Taur Matan Ruak, Prezidente Repúblika (PR) foun, José Manuel Ramos Horta no Prezidente Repúblika sesante, Francisco Guterres ‘Lú Olo’. Primeiru Ministru, Taur Matan Ruak, Prezidente Repúblika (PR) foun, José Manuel Ramos Horta no Prezidente Repúblika sesante, Francisco Guterres ‘Lú Olo’. Foto Suplay

Tempotimor (Dili)-Primeiru-Ministru (PM), Taur Matan Ruak espera Prezidente Repúblika (PR) foun, Jose Manuel Ramos Horta sei kontinua mantein obra ne'ebé Prezidente Repúblika sesante, Francisco Guterres "Lú Olo", husik hela mai nasaun Timor-Leste.

“Ha’u espera ho laran haksolok PRezidente foun ne’ebé sei toma pose iha dia 19 kalan, sei bele kontinua hatutan buat di’ak ne’ebé nia predecessor husik hela”, deklara Taur iha Pájina ofisiál PM Taur Matan Ruak ne’ebé www.tempotimor.com asesu, kuarta (18/05).

Iha ne'e, Governu mós fó agradesimentu tebes ba Prezidente Repúblika sesante, Francisco Guterres ‘Lú Olo’ ne'ebe durante nia mandatu hametin pás no estabilidade, sein hamosu krize ruma hodi afeta ba vida nasaun.

Maske durante iha ninia Prezidénsia mosu duni kestaun impase polítika no instabilidade governativa, maibé hein ho kontente Prezidente Repúblika foun, José Ramos Horta ne’ebé sei simu pose iha loron 19 fulan-maiu mai, sei banati obra ida ne’e hodi hametin nafatin páz no estabilidade hodi fó fatin ba dezenvolvimentu.

Tanba ko'alia kona-ba hametin páz no estabilidade iha situasaun agora ne’e importante tebes tanba mundu ohin loron hasoru dezafiu boot liliu krize mundiál hanesan Pandemia COVID-19, funu Rúsia ho Ukránia ne’ebé kuaze afeta ekonomia nasaun hotu iha mundu inklui Timor-Leste.

Tanba ne’e nu’udar aman ba nasaun presiza kontinua hametin páz no estabilidade nu’udar prezente ne’ebé Xefe Estadu fó ba povu iha komemorasaun restaurasaun independénsia ba tinan 20.

Xefe Governu ne'e haree katak situasaun krize ne'ebé karik mosu, nia sei la lori benefísiu ba Timoroan sira, ida ne'e kontráriu oituan tanba sei halo Timoroan mak lakon tempu, lakon rekursu inklui dezenvolvimentu sei marka pasu. (*)

Rate this item
(1 Vote)
Last modified on Wednesday, 18 May 2022 13:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter