“Iha selebrasaun ne'e ita hotu liliu ba joven sira, atu hanoin katak, defende estadu diretu Demokratiku, defende konstituisaun obra ita hotu ninian. Ohin Ema hadau malu ukun husi Estadu Demokratiku ita la hatuur halo loloos, loron ruma ema ne'ebé ita hili, kontextu de Independensia sei halo fali lei, foti fali ita-nia rai, hala'o fali ita-nia serbisu ho buat oioin”, dehan Avelino hafoin sai Oradór iha Semináriu Nasionál ne’ebé oganiza husi CNC, kuarta (18/05).
Tanba ne'e, selebrasaun aniversáriu Restaurasaun Independénsia Timor-Leste ne'e, momentu reflesaun atu haree ba kotuk, saida mak halo ona, nomós haree ba oin atu saida mak bele halo, nune'e hodi define kna’ar Juventude nian no luta ba perspetiva.
“Ida ne'e mak ha’u hanoin espera ba ita hotu katak, ita ida-idak buka hatene dalan ne'ebé mak ita atu la'o”, hatete nia.
Nune'e ba povu Timor-Leste tenke haree ba oin, moris ema ida la muda, se lakohi muda futuru. Bainhira lakohi muda mak, loron 20 fulan-maiu selebrasaun aniversáriu Restaurasaun Independénsia ba dala XX.
“Hahú ohin ne'e ita hahú moris foun, no ita hahu perspetiva foun ba ita-nia jerasaun, tenke kontinuasaun da luta ba sosiedade ne'ebé dignu no fraterna, sosiedade ne'ebé Estadu la'os uza povu nia osan, hodi halo fali kariedade, ne'e labele akontese iha rai ida ne'e”, afirma nia. (*)