Ministru Prezidénsia Konsellu Ministru, Fidelis Manuel Leite Magalhães hatete, Sekretária Estadu ida-ne’e, sei tutela husi Primeiru-Ministru, buka atu hatán ba hakarak timoroan sira nian ne’ebé hela iha rai-li’ur.
“Objetivu husi Sekretária Estadu foun ida-ne’e atu hametin lasu ne’ebé liga sidadaun timoroan sira iha rai-li’ur no Estadu Timor”, esplika Fidelis Magalhães iha Palásiu Governu, tersa (17/05).
Ho servisu ne’e, hein katak sidadaun timoroan sira ne’ebé hela iha rai-li’ur bele hetan asesu fasil liután ba servisu públiku importante lubun ida.
Ho Sekretária Estadu ida-ne’e sei iha funsaun atu fahe informasaun kona-ba prosesu dezenvolvimentu Timor-Leste nian husi komunidade timoroan sira iha rai-li’ur no mobiliza komunidade timoroan sira ba promosaun Timor-Leste rai-li’ur. (*)