Adjunta Diretora Plan Internasionál Timor-Leste (PITL), Fatima Estrela Soares hatete, objetivu jerál husi projeitu ida ne'e mak atu kontribui ba dezenvolve Estratéjia Nasionál bazeia ba evidensia atu promove normas igualde jeneru, atitudes no komportamentu.
Maibé iha ninia objetivu espesifiku mak atu dezenvolve Timor-Leste ida ne ebé kontestualizadu utiliza produtuz inovativu kona-ba abordajen ba prevensaun Violénsia Kontra Feto no Labarik Feto, hanesan dezenvolve ferramentas ka matadalan hodi aplika Konesimentu no hamosu akordu kona-ba prinsípius xave entre autóre prínsipál ba prevensaun hanesan Governu, OSCS no Parseiru Dezenvolvimentu sira.
“Projetu inisiativa Spotlight ne'e foku liu ba violénsia ba jeneru liliu ba feto no labarik feto sira durante tinan ida hahu husi fulan-marsu tinan 2021 to'o fulan-maiu tinan 2022. Tanba ne'e, ohin termina projetu inisiativa Spotlight”, dehan Fatima Estrela Soares iha Ótel Timor Kolmera, Dili, segunda (16/05).
Iha terminasaun ida ne'e, konsege kolabora ho autoridade prevensaun sira, instituisaun relevante sira liliu SEII ne'ebé produz ona relatóriu avaliasaun asesmentu ba prevensaun violénsia bazeia ba jeneru nomós plataforma asesivel online hodi ajuda autoridade prevensaun nia servisu ba oin.
“Projeitu ida ne'e produz ona Relatóriu Avaliasaun Mekanizmu Aprosimasaun ba Servisu Prevensaun iha Timor-Leste bazeia ba análize no kontestualizasaun husi kompromisu aprosimasaun ba Violénsia Kontra Feto no Labarik Feto (VKFLF) no dezenvolve Plataforma Mídia Data Online ho formatu aksesivel hanesan vizual ka vídeo, audio no lingua jestual ba autór sira prevensaun sira iha Timor-Leste”, informa nia.
Plan International Timor-Leste (PITL), iha nia komitmentu atu kontinua servisu hamutuk ho parseiru sira hodi implemeta rekomendasaun sira tuir Estratéjia sira ne'ebé eskrita ona. Tanba esforsu sira ne'e hotu atu hadi’a aprosimasaun efetivu hodi implementa estratéjia violénsia domestika kontra feto no labarik feto iha Timor-Leste.
“Identifikasaun ba problema violénsia domestika bazeia ba jeneru mak liuhusi relatóriu ne'ebé iha mak PITL rekomenda ba bele utiliza relatóriu ne'e hanesan referensia ba planu asaun dezenvolvimentu violénsia domestika bazeia jeneru iha periodu tuir mai no ajuda autór servisu bele servisu ho defisiensia no efikaz iha asuntu prevensaun”, afirma nia.
Sekretária Estadu ba lgualdade no Inkluzaun, Maria De Fatima Coreia hatete, SEII iha komitmentu atu kontinua kolabora ho parseiru sira hodi hariku prosesu dezenvolve NAP GBV iha Pilar Prevensaun.
Tanba ne'e, agradese tebes ba progresu hotu ne'ebe Plan International Timor-leste (PITL) halo espesialmente, ba kolaborasaun hodi entegra Plataforma Mídia ho Formatu Asesivel ba SEll, hodi kontinua mantein funisonamentu plataforma refere.
“SEII hanesan mákina Estadu nian ne'ebé ho nia kompeténsia liuhusi Dekretu-Lei Nú. 17/2091 husi loron 11 fulan-jullu, atu halo liuhusi estratéjia abordajen integradu jéneru husi leis, politika, planu no orsamentu, Prevensaun Violénsia Bazeia ba Jeneru, Haforsa Feto iha seitór ekonomia, Haforsa Feto hodi foti desizaun iha vida politika. Kontinua hala'o advokasia ba instituisaun Governu nian atu kria kondisaun hodi responde ba situasaun husi kualker tipu violénsia hasoru feto no labarik feto”, hatete nia.
Embaixadór Uniaun Europeia iha Timor-Leste, Andrew Jacobs mós espreza, Uniaun Europeia nafatin kompremetidu no envolve hodi prioritiza direitu feto nian, la husik ema ida iha kotuk no nafatin hamutuk ho sosiedade sivil iha sentru.
Tanba Uniaun Europeia selebra kontribuisaun Plan nian, iha projeitu Inisiativa Spotlight hodi luta ba igualdade jenéru. Maibé jornada ida ne'e iha Timor-Leste kontinua kontra violénsia bazeia ba jenéru.
Koordenadór Residente Organizasaun Naun Governamentál (ONU), Roy Trivedy hatete, violénsia nunka sai parte ida husi komportamentu umanu ou kondisionantes, tanba bele antisipa no prevene violénsia. data, koñesimentu, informasaun no evidénsia bazeada seluk tan aborda kontribuisaun hirak ne'e hodi prevene violénsia. Inisiativa Spotlight implementasaun husi Plan International hanesan UN Women Organizasaun parseiru to'o ona nia fin ho númeru rezultadu, hanesan Relatóriu Avaliasaun ba servisu.
“Parte husi UN Timor-Leste nia kontribuaisaun atu komplementa Governu no esforsu husi Golbal ba Violénsia Kontra Feto no Labarik Feto (VKFLF) no liga ho objetivu SDG, espesialmente SDG númeru 5, UN hamrik firme atu empudera Parseiru sira no esforsu hodi suporta hodi elimina VKFLF”, dehan nia.
Tanba abordajen prevenaun iha Timor-Leste, inklui dezenvolve Plataforma Mídia Online ho Formatu Asesive sei ajuda Govenru ba dezenvolve Planu Asaun Nasionál Violénsia Bazeia ba Jéneru (NAP-GBV) períodu tuir mai no kontinua servisu ho referénsia substansial ba autór prevensaun sira.
Enkuantu Projetu Inisitiva Spotlight nudar parseria multiannual entre Uniaun Europeia no Nasaun Unidas ho investimentu globál milaun $550 husi Uniaun Europeia, nune’e iha Timor-Leste, investimentu tinan tolu ho valór millaun $15.
Ajensia sira husi ONU lidera Inisiativa Spotlight UE-ONU hanesa UN Women, UNFPA, UNDP, UNICEF, and ILO liuhusi koordenasaun ho Koordenadór Rezidente ne'ebé implementa husi Parseiru Autór Xave sira husi Govenru, CSO, NGO no l-NGOs iha Bobonaro Dili, Ermera, Vikeké no fornese asisténsia durante halao Inisiativa ida ne’e. (*)
