“Ba kaixaun mos sira kobre malu, aluga karreta mós sira kobre malu, ne'e ladún di'ak, ne'e husu ba Ministériu Interior para tau matan ba ida ne'e”, dehan nia iha Plenária Parlamentu Nasionál segunda (16/05).
Tanba Bankada KHUNTO rasik simu informasaun balun husi parte PNTL sira katak membru ida ka rua bainhra mate ne'e membru sira sempre kontribui osan hodi sosa kaixaun no aluga karreta.
Ba situasaun ne'e, KHUNTO preokupa tanba kada tinan kuandu membru Parlamentu Nasionál ka membru Governu ruma mate, kaixaun ba sira iha, entaun ba membru Polísia mós tenke iha.
Husu ba Ministériu Interior presiza haree hodi tau mós osan ba asuntu ne'e, nune'e membru Polísia Nasionál Timor-Leste sira labele kobre malu wainhira sira-nia maluk ruma mate.
“Mais osan sira ne'ebé aprova ne'e ba ih ne'ebe, ne'e presizamente hatene para membru PNTL sira tenke hatene tanba saida mak tenke kobre malu. se ita deputadu ou membru governu mate, iha kaixaun ketak, tanba sá mak ida ne'e labele”, dehan nia. (*)