“Dekretu-Lei ne’e, iha parte ida, atu adekua rejime jurídiku instituisaun ida-ne’e nian ho Dekretu-Lei nú. 30/2020, loron 29 fulan-jullu, kona-ba Organizasaun Administrasaun Direta no Indireta Estadu nian, nomós ba Dekretu-Lei nú. 16/2021, loron 15 fulan-setembru, ne’ebé kria baze jerál sira organizasaun administrasaun públika nian”, dehan Ministru Prezidénsia Konsellu Ministru (MPKM), Fidelis Leite Magalhães iha Palásiu Governu, sesta (13/05).
Aleinde ne’e, Governu mós hakarak atu konkretiza alterasaun balu relasiona ho regra sira ne’ebé aplika ba eleisaun Diretór Ezekutivu no ninia tempu mandatu.
“Daudaun ne’e mandatu iha de’ít durasaun tinan tolu, maibé ho Dekretu-Lei foun ida-ne’e mandatu muda ba tinan haat. Kria mós servisu foun sira hodi fó apoiu ba Diretór Ezekutivu no kria mós figura Fiskál Úniku”, esplika nia. (*)