Print this page

AIFAESA Halo Enkontru ho Ekipa Komérsiu ZEEMS

Ekipa AIFAESA hasai foto hamutuk ho Ekipa husi ZEEMS. Ekipa AIFAESA hasai foto hamutuk ho Ekipa husi ZEEMS. Foto Suplay

Tempotimor (Dili)-Autoridade de Inspeção e Fiscalização da Atividade Económica Sanitária e Alimentar, Institutu Públiku (AIFAESA,I.P) liuhusi Inspetór Jerál, Mestre Ernesto Monteiro, Sub Inspetór Jerál Dionísio Neto da Silva, Fiskal Úniku, Salvador de Jesus akompaña husi Diretór Departamentu sira, simu vizita husi ekipa ZEESM (RAEOA) liliu Koordenadór Komérsiu, Crescencio Susu, Diretora Rejionál Komérsiu Domingas Sufa, hala’o enkontru iha iha edifísiu, Matadouro, kuarta (11/05).

Objetivu husi sorumutu ne’e, atu halo konsultasaun no diskusaun kona-bá esbosu destakamentu funsionáriu AIFAESA nian iha Oekussi.

Koordenadór Komérsiu RAEOA, Crescencio Susu, aprezenta situasaun sira ne’ebé RAEOA enfrenta ligadu ho problema presu nesesidade bázika, no produtu ai-hán sira ne’ebé sempre hetan keixa husi komunidade sira tanba menus husi kontrolu.

Tanba haree ba jeografia Oekussi nu’udar mós zona fronteira, movimentu produtu ilegál sira hanesan tabaku mós sirkula barak tebes.

Inspetór Jerál AIFAESA Inspetór Jerál, Mestre Ernesto Monteiro esplika, destakamentu iha RAEOA seidauk bele realiza tanba planu orsamentu ne’ebé trasa no seidauk hetan aprovasaun (la passa), maibé instituisaun nafatin iha komitmentu hodi garante seguransa alimentár no konkorénsia leal.

Tanba ne’e, husu atu parte komérsiu ZEESM bele elabora karta no loke komunikasaun diretamente ba Ministériu Koordenadór Asuntu Ekonomia (MAKE) no ministériu relevante sira, atubele aslera prosesu destakamentu Funsionáriu AIFAESA iha munisípiu sira.

Sub Inspetór AIFAESA, Dionísio Neto da Silva hatete, prosesu serbisu inspesaun AIFAESA nian no parte importante ida mak, AIFAESA rasik seidauk iha diploma ministeriál ida, nune’e AIFAESA seidauk bele destaka funsionáriu iha RAEOA. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items