“Ha'u ko'alia ho líder sira hothotu, Prezidente Parlamentu ho Sekretáriu Jerál FRETILIN hanesan koorenadór plataforma, ko’alia ho Primeiru Ministru ho Prezidente Repúblika ho Maun Boot Xanana, hotu konkorda e Timor bele adopta dokumentu ne'e”, dehan Horta hafoin enkontru ho Prezidente Parlamentu Nasionál (PN), Aniceto Longinhos Guterres Lopes iha PN, kinta (12/05).
Ba ida-ne’e Horta hasoru malu ona ho Prezidente PN atu haree fila fali kestaun deklarasaun kona-ba fraternidade umana oinsá bele halo rezolusaum ruma.
Tanba dokumentu fraternidade umana ne'e asembleia jerál ONU rasik halo ona rezolusaun ida hodi konsidera sai hanesan loron mundiál.
Iha dokumentu fraternidade umana ne'e rasik, Amu Papa ho Grão Imame mós husu atu Governu sira adopta nu’udar dokumentu nasionál bele tama iha kurríkulum eskola nian hodi eduka siensibiliza, inspira, joven sira, sosiedade tomak, liliu hametin dame iha rai sira iha mundu no fraternidade umana.
Parlamentu Nasionál Timor-Leste mós dadauk prepara ona rezolusaun ida, no tuir planu sei halo plenária iha loron kinta (12/05) atubele deikute no aprova. (*)