Login to your account

Username *
Password *
Remember Me

SEJD Realiza Formasaun Edukasaun Sivika iha Venilale

SEJD hamutuk ho CJMB ko’alia hela ba mídia sira hafoin realiza formasaun edukasaun sivika iha Suku Uato-haco, segunda (09/05). SEJD hamutuk ho CJMB ko’alia hela ba mídia sira hafoin realiza formasaun edukasaun sivika iha Suku Uato-haco, segunda (09/05). Foto Tomas Freitas

Tempotimor (Baukau)-Sekretária Estadu Juventude no Desportu (SEJD) liuhusi Sentru Juventude Munísipiu Baukau (CJMB-sigla portugés) realiza formasaun edukasaun sivika iha Suku Uato-Haco, Postu Administrativu Venilale, Munisípiu Baukau.

Ofisial SEJD Baukau, Quintão Freitas, hatete, CJMB parseria permanente SEJD nian, atu avansa programa ba joven sira kada Suku 59 iha Munísipiu Baukau.

"Sekretária Estadu Juventude no Desportu servisu hamutuk ho Sentru Juventude Munísipiu Baukau atu fó formasaun edukasaun sivika ba ita nia joven sira iha Baukau,"dehan nia iha Sede Suku Uato-Haco, segunda (09/05).

Kada tinan SEJD aloka orsamentu ba programa formasaun edukasaun sivika ba Munísipiu hotu atu joven sira bele hatene nia dever no direiru atu sai autór ba estabilidade paz no dezenvolvimentu.

"Joven tenke hakribit krime, agora tenke transforma nia aan sai hanesan heroi foun ba nasaun," nia akresenta

Diretór ezekutivu CJMB, Manuel de Carvalho Marques, afirma, programa anual husi SEJD ho intensaun atu eleva koiñesimentu joven sira nian.

"Edukasaun sivika ida ne'e, oinsá atu eleva koñesementu juventude sira hatene no komprede kona-ba direitu no dever iha nasaun, husi edukasaun sivika ne'e, mós oinsá ita eduka liga ho krime eleitóral, elesaun Prezidénsial ita liu ona, agora tama tán ba eleisaun Parlamentar ita presiza hala'o edukasaun sivika," nia esplika

Administradór Postu Administrativu Venilale, Miguel Mendes Manso Guterres, enkoraja, partisipante atu aprende no hatutan informasaun ba maluk ne'ebé la partisipa, tanba nasaun TL nia futuru, iha mós joven nia liman.

Enkuantu partisipante, Leonito de souse, promente, sei hatutan ba maluk ne'ebé lapartisipa, nune'e bele hatene direiru no dever joven nian iha nasaun ida.

"Sente kontente, tanba formasaun ne'e, foin primeira vez mai iha ami nia Suku ida ne'e, hanesan mós loke ami nia esperensia hodi kria buat foun iha ami nia Suku," nia hatete

Entertantu formasaun edukasaun sivika ne'ebé realiza iha Suku Uato-haco Postu Venilale, durante loron 5 ho partisipante hamutuk na'in-35. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter