Login to your account

Username *
Password *
Remember Me

PN Hahú Prepara Lei Regula Prezidente Repúblika Foun

Prezidente Parlamentu Nasionál (PPN), Aniceto Longuinhos Guterres Lopes. Prezidente Parlamentu Nasionál (PPN), Aniceto Longuinhos Guterres Lopes. Foto Suplay

Tempotimor (Dili)-Parlamentu Nasionál (PN) dadaun ne'e prepara hodi kria projetu lei ida atu regula Prezidente Repúblika (PR) foun nia responsabilidade tomak wainhira halo violasaun ba konstituisaun.

Projetu lei ne'ebé Parlamentu inisia hanaran projetu (Lei da Responsabilidade do Presidente da República) ho númeru 42/V (4a) no ida-ne'e submete ona ba Komisaun A trata asuntu justisa no konstituisionál atu prepara relatóriu paraser hodi aprezenta ba meza PN.

Prezidente Parlamentu Nasionál (PPN), Aniceto Longuinhos Guterres Lopes hatete, kona-ba projetu lei ne'e, meza PN deside fó ona tempu loron hitu ba Komisaun A atubele konklui diskusaun no apresiasaun ba relatóriu pareser atu ajenda ba debate iha plenária.

“Komisaun A iha de’it loron hitu atu aprezenta relatóriu pareser ba projetu-lei kona-ba responsablidade Prezidente Repúblika ba meza Parlamentu, hafoin hato’o mai iha plenária ne’ebé konta husi data admisaun”, dehan Aniceto hafoin hala'o admisaun projetu lei responsabilidade Prezidente Repúblika ba Komisaun A iha plenária PN, segunda (09/05).

Ba projetu lei ne'e, meza PN espera tempu badak komisaun A bele konklui hodi halo diakusaun ba projetu lei ne’e iha plenária. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter