Print this page

KHUNTO 'Kondena' Tékniku Lohi Hela Prezidente PN

Deputadu Bankada Kmanek Haburas Unidade Nasionál Timor Oan (KHUNTO), António Verdial. Deputadu Bankada Kmanek Haburas Unidade Nasionál Timor Oan (KHUNTO), António Verdial. Foto Suplay

Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO), António Verdial kondena tékniku lohi hela Prezidente Parlamentu Nasionál (PN), Aniceto Longuinhos Guterres Lopez kona-ba inskreve deputadu sira atu halo intervensaun iha debate jeneralidade ba Proposta Orsamentu Retifiktivu.

“Seu Prezidente depskulpa, ami inskreve primeira rai mesak kedan. tékniku ne'e nusa mak ba lohi señor Prezidente ne'e”, dehan Deputadu António Verdiál iha sesaun plenária PN parte lokraik nian, segunda (09/05).

Ho kestaun ne'e, deputadu bankada KHUNTO ne'e rejeita no lakohi atu halo intervensaun no husu atu kontinua diskusaun ida ne'e.

Mesmu nune'e, Xefe Bankada KHUNTO, Olinda Guterres deside bandu deputadu na'in-haat husi KHUNTO atu la halo intervensaun iha diskusaun tanba oras liu ona.

Prezidente PN, Aniceto Longuinhos Guterres Lopez hatete, tempu ba deputadu sira atu inskreve ne'e loloos hahú iha tuku 1 dada to'o tuku 3, tuir Giaun 1.12.

Maibé tanba diskusaun atrazu, entaun molo tama diskusuan dader mós meza aviza ona ba deputadu sira atu inskreve antes tama fali sesaun parte lokraik nian iha tuku 3.

Tanba ne'e husu ba deputadu sira labele fó sala ba malu, tanba meza la'o tuir de'it giaun ne'ebé mak iha

“Tama mai parte loraik nian, kuandu intervensaun hahu, ha'u anunsia kedas tanba 3:10 ne'e labele tan ona, entaun sira tekniku sira dehan ba ha'u katak inskreve depois de ha'u ensera, tanba ne'e mak sira la lori mai”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items