Login to your account

Username *
Password *
Remember Me

FRETILIN 'Sadik' Deputada CNRT Debate ho Ministru Rui Gomes

Vise Xefe Bankada Frente Revolusionáriu Timor-Leste no Independente (FRETILIN), Antónino Bianco. Vise Xefe Bankada Frente Revolusionáriu Timor-Leste no Independente (FRETILIN), Antónino Bianco. Foto Suplay

Tempotimor (Dili)-Vise Xefe Bankada Frente Revolusionáriu Timor-Leste no Independente (FRETILIN), Antónino Bianco, sadik Deputada Bankada Congresso Nacionál de Reconstrução de Timor (CNRT) Vergína Ana Belo atu debate ho Ministru Finansa (MF), Rui Augusto Gomes, hodi bele hatene ninia kapasidade.

“Ha'u hanoin maluk sira opozisaun (CNRT), liafuan sira ne'e ha'u hanoim ita bele husu ida ne'ebé ko'alia karik. Ministru Finansas ne'e doutór, sé ita-boot sira dehan saida, debate tok ho nia, se ita-boot sira dehan imi mak hatene buat hothotu”, dehan Antonino hafoin partisipa debate jeneralidade ba Proposta Orsamentu Retifikativu iha plenária PN, segunda (09/05).

Nu’udar deputadu apoiante Governu nian, hakarak halo defeza ida ba bankada Governu nia naran, tanba deklarasaun la merese balun ne'ebé deputada bankada CNRT ko’alia hodi derije ba Ministru Finansa maibé ikus mai dun fali ba deputadu apoiante Governu mak ko’alia.

“Ha'u hatene katak bankada husi Governu nian nunka hasai liafuan ne'e”, esplika nia.

Ho liafuan ne'ebé ko’alia ne'e deputadu bankada Governu rasik mós akompaña bebeik ona katak deputadu opozisaun inklui mós partidu CNRT nia ema sira iha liur mak sempre ko’alia liafuan sira ne'e.

Tanba ne'e husu deputadu CNRT atu ko’alia tenke iha argumentu, maibé la'ós argumentu ne'ebé laiha étika, tanba polítika ne'e iha étika, se lahatene polítika tenke aprende étika polítika kona-ba komunikasaun nian.

Deputada Bankada CNRT, Vergína Ana Belo, deklara liafuan ne'ebé fó sai mai husi deputadu Bankada Governu nian, tanba ne'e bele ba rona gravasaun iha Komisaun D trata asuntu dezenvolvimentu no ekonomia.

“Ne'e ita-boot sira-nia ema mak ko'alia la'ós ami mak ko'alia”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter