Print this page

CNRT Deklara Ministru Finansas Konsidera OR Kumpri De’it Promesa

Deputada Bankada CNRT, Vergína Ana Belo. Deputada Bankada CNRT, Vergína Ana Belo. Foto Suplay

Tempotimor (Dili)-Bankada Congresso Nacional de Reconstrução de Timor (CNRT) deklara Ministru Finansas (MF), Rui Augusto Gomes, konsidera Orsamentu Retifikativu (OR) ne’ebé aprezenta ba Parlamentu Nasionál hodi halo diskusaun ho karater urjensia atubele kumpri promesa.

Deputada Bankada CNRT, Vergína Ana Belo hatete, Orsamentu Retifikativu ne'ebé Governu aprezenta hanesan hatudu de'it Governu nia pániku tanba atu hatan ba promesa foin lalais iha eleisaun Prezidensiál.

“Ida ne'e la'ós ami mak hatete, Ministru Finansa rasik mak hatete iha audénsia, katak Orsamentu retifikativu ne'e atu kumpre de'it promesa”, deklara Deputada Virginia iha Parlamentu Nasionál, segunda (09/05).

Iha mós komunikasaun informal balun entre bankada CNRT ho membru Governu balun katak sira rasik hakfodak kuandu iha fali Orsamentu Retifikativu no sira konsidera ne'e hanesan Komunikasaun pesoál entre Primeiru Ministru ho Ministru Finansas de'it depois mak hato'o ba membru Governu sira.

Maibé Governu rasik laiha lei balun atubele ezekuta programa sira ne'e tanba ezekusaun OJE mos sei ki’ik no sira sente katak laiha kapasidade atu halo retifikativu.

“Se bele ba loke gravasaun iha komisaun D”, dehan Vergína.

Bankada CNRT rasik rona deputadu bankada Governu fó sai deklarasaun ne'e tanba liga ho Proposta Orsamentu Retifikativu ne'ebé mak Ministru Finansas ba esplika iha komisaun podia ser nia ba ko’alia iha reuniaun Konsellu Ministru labele nia lori orsamentu ba Parlamentu Nasionál entrega ba deputadu sira mak deside depois soe hotu sala ba deputadu sira.

“Ne'e ita-boot sira-nia ema mak ko'alia la'ós ami mak ko'alia”, hatete nia.

Ba ida ne’e, Prezidente Parlamentu Nasionál (PN), Aniceto Longuinhos Guterres Lopes, ejize ba Deputada Bankada Congresso Nacional de Reconstrução de Timor (CNRT) atu temi naran deputadu husi bankada apoiante Governu nian ne'ebé mak trata Ministru Finansas (MF), Rui Augusto Gomes ho liafuan ne'ebé la merese atu fó sai.

“Señora deputada bele temi direta deputadu sira bankada Governu nian ne'ebé hatete Ministru Finansa beik ten ne'e, porque se la'e ita-boot hakarak ko'alia hanesan bee trata Ministru Finansas beik ten maibé uza deputadu sira ne'e, ha'u husu favór ita-boot temi kedas naran”, deklara Aniceto iha debate Jeneralidade ba Proposta Orsamentu Retifikativu ho Governu iha Plenária PN, segunda (09/05). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items