Tuir Informasaun ne’ebé www.empotimor.com asesu iha pájina Gabinete Ministru Finansas katak, kalendáriu elaborasaun OJE 2023 bazeia ba lei enkuadramentu orsamentál, iha loron 23 fevereiru 2022, Konsellu Ministrus aprova Kalendáriu OJE 2023, iha 26 Abril, Jornada Planeamentu, nune’e iha loron 09 Maiu: Konsellu Ministrus aprova Proposta Projetu Lei das Grandes Opções do Plano, ba loron 10 Maiu: Governu aprezenta Proposta Projetu Lei das Grandes Opções do Plano ba Parlamentu Nasionál (PN).

Nune’e mós iha loron 30 Maiu: PN aprova Lei das Grandes Opções do Plano, ba loron 10 Juñu: Enkontru Timor-Leste Development Partners Meeting (TLDPM), no loron 30 Juñu: Jornada Orsamentál.

Ba loron 15 Jullu: Konsellu Ministrus aprova Tetu Desagregasaun Orsamentu, no iha 20 Jullu: Ministériu Finansas fó sai Sirkulár preparasaun OJE 2023 no Distribuisaun Tetu Desagregadu.

Iha loron 17 Agostu: Konsellu Ministrus aprova alokasaun orsamentu tuir Programa, hodi kontinua ba loron 15 Setembru: Konsellu Ministrus aprova Proposta Projetu Lei OJE 2023 no 01 Outubru: Governu aprezenta Proposta Projetu Lei OJE 2023 ba PN.

Bainhira tama iha fulan-Novembru: Diskusaun Proposta OJE 2023 iha Parlamentu Nasionál, ne’ebé hahú husi loron 15 Novembru: Votasaun Proposta OJE 2023 iha PN. No iha fulan-Dezembru 2022: Promulgasaun Lei OJE 2023 husi Prezidente Repúblika, inklui mós Publikasaun Lei OJE 2023 iha Jornál da Repúblika. (*)