Tanba kalendáriu diskusaun no aprovasaun iha faze jeneralidade ho espesialidade ba Orsamentu Retifikativu ne'e agora dadauk hetan ona aprovasaun liuhusi reuiaun líder bankada parlamentár sira, sesta (06/05).
“Ohin, ita aprova kalendáriu no giaun ba diskusaun jeneralidade Orsamentu Retifikativu ne’e sei hahú iha loron segunda (09/05)”, dehan Vise Sekretária Meza Parlamentu Nasionál, António Nobre Amaral, iha Parlamentu Nasionál (PN), sesta (06/05).
Iha kalendáriu debate ne'e, Parlamentu Nasionál sei hala'o diskusaun jeneralidade durante loron ida, no espesialidade loron rua.
Tanba, Orsamentu Retifikativu ne’e Governu aprezenta ho karater urjénsia, nune’e diskusaun no aprovasaun sei hala'o durante loron tolu de'it, atu oinsá prepara diploma ne'e haruka ba Prezidente Repúblika (PR), Francisco Guterres ‘Lú Olo’, hodi estuda hodi halo promulgasaun ka vetu. (*)